United ‘qan’ gabimin e De Gea-s, barazon me Chelsea-n. Bayern ‘ngec’ në transfertë

Supersfida e javës së 36 në “Premier League” mes Manchester United dhe Chelsea-s është mbyllur me shifrat 1-1. Një takim ku vendosej shumë për zonën europiane dhe ku u krijua përshtypja se do të fitohej nga “djajtë”, pasi që në minutën e 11 realizuan me Juan Mata.

Në këtë takim United do të ‘tradhtohej’ nga pika më e fortë, Davide De Gea, pasi portieri bëri një pritje të dobët në gjuatjen e Rudiger, duke lënë topin në formën e një asisti për Alonso-n që e dërgoi në rrjetë.

Pas 36 javësh kampionat Chelsea mban vendin e katërt me 68 pikë, 4 më shumë se United i vendit të 6.

Ndërkohë në Gjermani Bayern nuk ka përfituar plotësisht nga humbja e Dortmund pasi ka barazuar 1-1 me Nurnberg. Ishin këta të fundit që patën shansin e artë për të koleksionuar tre pikët, por Leibold nuk u tregua i saktë nga pika e bardhë e penalltisë.

Me këtë rezultat Bayern gjithsesi udhëheq kampionatin me 71 pikë, 2 më shumë se Dortmund i vendit të dytë kur duhen edhe 3 javë nga fundi.

Ne.k./Shqiptarja.com

TAG:
• chelsea
• Manchester United
• Bayern Mynih