Çështja e një urë po kthehet në një çështje ndërkombëtare të ngjashme me Ukrainën dhe krizën e Lindjes së Mesme! Në fakt kjo nuk është çështje kaq shumë e rëndësishme, por trajtohet si tillë nga ajo pjesë e opinionit publik që për shkak të urës sulmon Kurtin dhe po ashtu Opozita e Kosovës, por përdor pikërisht urën si instrument për të sulmuan jo drejtpërdrejtë Kurtin, meqë politikisht nuk ka mund dot atë!
Por si qëndron e vërteta?
Po flasim për një urë që lidh të njëjtin qytet brenda Republikës së Kosovës! Pro hapjes së urës është shprehur edhe Kuvendi i Komunës të Mitrovicës e po ashtu pro hapjes është edhe Kurti! Pra, në këndvështrimin e legjitimitet janë shprehur pro edhe pushteti lokal edhe ai qëndror!
![](https://shqiptarja.com/template/img/NO_ALFA_Kuadrate shqiptarja.png)
Kosova është shtet sovran dhe i pavarur!
Nenet 1 dhe 2 të Kushtetutës të Kosovës flasin qartë për sovranitetin e Kosovës, tërësinë territoriale! Kurti është zgjedhur nga qytetarët e Kosovës për të mbrojtur sovranitetin dhe tërësinë territoriale si të pandarë dhe unike! A ka ndonjë element jo legjitim në ushtrimin e sovranitetit të tij që Kurti kërkon ta bëj për hapur urën?
Ura është garanci për lëvizjen e lirë të qytetarëve që bën pjesë tek liritë themelore të njeriut! Hapja e urës është në shërbim të Shtetit të së Drejtës, garancisë për siguri dhe për të administruar territorin sipas kornizave kushtetueses! Berlinezët nuk pyetën askënd kur rrëzuan Murin! Ura e Ibrit në absurditetin tonë është muri i vetëm që qëndron në Europë dhe që ndanë pakuptim dhe padrejtësisht në dy pjesë të njëjtin qytetet. Muri i Berlinit u krijua , le të themi me marrëveshje apo realitetit ndërkombëtar dhe i rrëzuar vetëm falë vullnetit të gjermanëve! Ekzistenca e kësaj barriere fizike nuk e ndihmon bashkëjetesën mes shqiptarëve dhe serbëve, nuk e ndihmon bashkëpunimin, sigurinë dhe po ashtu as integrimin e tyre reciprok si një njësi kolektive brenda nocionit shtetëror.
Kosova ka 25 vjet e çliruar dhe 16 e pavarur! Atëherë do e pranojmë dhe do e respektojmë sovranitetin dhe kushtetutën e saj apo do të bëjmë "hajgare"?! Disa që nuk din si t'a mundin e ta sulmojnë Kurtin politikisht, po aludojnë se Ura nuk është emergjencë dhe nuk është prioritet! Në fakt është emergjencë dhe prioritet si në simbolikë, sepse është një urë që nuk duhet të mbyllej asnjëherë, por në të njëjtën kohë është edhe emergjencë për të garantuar të plotë sovranitetin e Kosovës para se ngjarjet ndërkombëtare në vazhdim t'a pengojnë, ngadalësojnë ose t'a privojnë përgjithmonë me ndonjë propozim të ri për ndarje përfundimtare si zgjidhje te ngutshme dhe jo të drejtë!
Kosova është shtet sovran i njohur edhe nga Gjykata Ndërkombëtare e Drejtësisë, ka Kushtetutën e saj! Natyrshëm lind pyetja: përse Kosova duhet të dialogojë me Serbinë për një çështje krejt të brendshme të saj dhe për më tepër me një shtet që ka qenë në konflikt dhe nuk e njeh apo pranon pavarësinë e saj? Këtë e din vetëm Opozitarët e Kurtit dhe analistët që ju shërbejnë atyre! Nuk ka pse fare të bisedohet me Serbinë edhe pse në fakt me marrëveshjen e Europian është rënë dakord edhe për urën e cila duhet të ishte hapur që në 2017!
Kosova nuk është mund të jetë një realitet që mbijeton dhe e mbron sovranitetin e saj në raport me ngjarjet apo me situatat ndërkombëtare! Sovraniteti i Kosovës nuk mund të jetë viktimë apo instrument i vazhdueshëm i probleme në Ballkan apo edhe më gjerë! Sovraniteti i saj duhet të jetë një çështje e mbyllur dhe sa më shumë qëndron si çështje e hapur nuk e ndihmon Naton apo sigurinë e Europës, por komplikon dhe e rrezikon!
Po flasim për realitetin e Kosovës i cili mund të jetë model frymëzues edhe për probleme të tjera në Ballkan! Imagjinoni sikur të merret nisma për të mbyllur edhe urën e Shkupit apo ndonjë urë të ndonjë fshati në Himarë që pretendon se është minorancë greke e nuk pranon autoritetet e Shtetit Shqiptar! Urat e mbyllura janë rrezik konfliktesh e krizash dhe jo urat që hapen! Mbyllja është ndasi se facto e ndërsa hapja është Bashkim dhe bashkëjetesë!
Jam kurioz të di kush është zgjidhja që ka Opozita e Kosovës për Urën të cilët kanë qeverisur Kosovën që nga çlirimi e deri në fitoren e Kurtit e në fakt sa kohë kishin në pushtet as nuk kishin propozime e as nuk e hapën urën! opozitarët e Kosovës a kanë përgjegjësi e detyrime ndaj Kushtetutës dhe sovranitetit kur sulmojnë Kurtin për hapjen e Urës?
Ura dhe ndërkombëtarët!
Zhurma është bërë e madhe e çështja është fryrë sikur të ishte jetike për sigurinë në Europë dhe në Ballkan! Akuzat janë se Kurti po prish marrëdhëniet me SHBA! Këta të fundit do të pranonin që në vendin e tyre të kushte ndonjë urë që ndante qytetet e ndalonte lëvizjen e lirë të shtetasve? Kosova është investim i SHBA e për këtë s'ka dyshim! Shqiptarët e Kosovës janë më pro amerikanët në botë e kjo e ndihmon shumë interesin gjeopolitik, gjeostrategjik re SHBA, sigurinë e saj, të Natos dhe BE! Kurti nuk ka theksuar në asnjë moment se ura do të hapet pa konsultime me aleatët perëndimor, por ka theksuar se hapja e kësaj të fundit nuk është kundër askujt!
Dallimi me një lideri që qeveris, Opozitës politike dhe opinionit publik është se: i pari ka detyrime kushtetueses, duhet të marr vendime e ka kosto direkte për vendimet që merr! Ndërsa Opozita e opinioni publik mund të japin disa zgjidhje, mund të bëjnë kritika, por nuk kanë asnjë kosto të drejtpërdrejtë. Kurti duhet të marr një vendim në respekt të Kushtetutës dhe sovranitetit! Lider është pikërisht ai që merr vendime që në shumicën e rasteve nuk plotësojnë egot dhe dëshirat e tjerave, por janë themelore e të domosdoshme!
Disa e lidhin sjelljen e Kurtit si tradhti ndaj aleatëve të cilët kanë kontribuar duke e çliruar Kosovën e Duke bombarduar Serbinë! Ndërhyrja në Kosovës nëse lexojmë vetëm autobiografinë e Blair "Udhëtimi" e kuptojmë se ishte për shkak të genocidit, dhunës e pastrimit etnik që po bëhej! Prej atëherë kanë ndryshuar shumë gjëra, kanë kaluar shumë vite, janë ndërruar disa herë liderët e Perëndimit e nuk mund t'i analizojmë perspektivat e Kosovës me optikën e para 25 viteve! Kosova është më SHBA dhe Europën dhe për këtë nuk ka asnjë dyshim! Kurti nuk ka asnjë orientim për t'u afruar me Rusinë, Kinën apo faktorë të tjerë që janë ostil me perëndimin! Atëherë si mund të quhet ky si anti-amerikan?! Kosova si çdo shtet para se të jetë më të tjerët duhet të jetë me veten! Nëse ajo qëndron e forte me veten atëherë është besueshme dhe dobishme edhe për aleatët e saj!
Diplomacia ka dy anë të medaljes: publiken dhe privaten dhe të rezervuarën! Të parën e dimë te gjithë sepse është publike përmes deklaratave apo qëndrimeve! Qëndrimet publike të ShBA -ve i dimë, por nuk dimë qëndrimet e tyre të rezervuara e private e ndoshta nuk do t'i dimë kurrë! Ndoshta më mirë se ne i dinë vetëm Kurti dhe Osmani që janë protagonistët kryesore! Forcimi i Kosovës është forcimi i interesave dhe i sigurisë së SHBA-ve, Natos dhe BE! Dobësimi i saj është problem serioz për të gjithë bashkë! Ura duhet të hapet! Vullneti për t'a bërë nuk duhet të mungojë nga të gjithë faktorët kombëtar dhe nga aleatët!
Kosova dhe rreziku permanent!
Mos njohja e Pavarësisë së Kosovës nga Sërbia dhe qëndrimet e saj aspak miqësore dëshmojnë qartë faktin se Kosova përballet me një rrezik permanent! Ky rrezik as nuk zgjidhet e as nuk përfundon me hapjen ose jo të urës! Përballë këtij rreziku Kosova ka vetëm një mundësi: vendime të forta, qëndrimet të forta dhe përballje! Kosova duhet të modernizojë forcat ushtarake dhe duhet t'i vendos në lartësinë e sfidave! Izraeli nuk kërkon mbështetje apo lëmosha, por ka qëndruar përballë sfidave! Forcimi i sigurisë që Kosovës nga vetë Kosova është kushti dhe sfida kryesore që garanton ekzistencën dhe vazhdimësinë si entitet shtetëror njësoj së tjetër e të barabartë me të tjerët në qasjen e të Drejtës Ndërkombëtare!
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)