Ura Vajgurore/ Tregu në rrugë, pa asnjë kontroll për produktet ushqimore

Shumë pranë godinës së bashkisë, në një shesh mes pallateve, në ujë e në baltë zhvillohet tregu ushqimor në bashkinë e Urës-Vajgurore. Prej vitesh ky institucion nuk ka arritur që të sigurojë një vend ku tregtarët të ushtrojnë aktivitetin e tyre, ndërkohë që qytetarët e frekuentojnë sepse produktet vijnë të freskëta dhe me çmime më të lira se në dyqane.  

Problematika e mungesës së tregut të fruta-perimeve është e hershme në këtë qytet, ndërkohë që jashtë çdo lloj kushti higjieno sanitar tregtohen produktet e qumështit dhe peshkut. Me çadra dhe banaqe të improvizuara tregtarët ambulantë bëjnë sa munden, ndërkohë që pranojnë se kushtet e punës lënë shumë për të dëshiruar. Gjithçka tregtohet në shesh, në një rrugë krejtësisht të shkatërruar.Tregtarët dhe qytetarët ankohen mbi gjendjen e tregut, por ngrenë supet pasi askush nuk u ka ofruar alternativë tjetër.

"Tregu këtu nuk është në cilësinë e duhur, por si qendër, përsa i përket popullatës, këtu vjen dhe blen", u shpreh një tregtar. "Nuk janë por do rregullohen këto kushte, do i rregullojë kryetarja e Bashkisë.Gjërat i blejmë se janë të freskëta ndërsa në dyqane rrinë për shumë kohë", u shpreh një konsumatore.

Report Tv u interesua në Bashkinë e Urës Vajgurore, por kryetarja e kësaj bashkie nuk ndodhej në zyrë për të na dhënë përgjigje mbi këtë problematikë. Ura Vjagurore prej vitesh nuk ka një vend të saktë se ku të tregtohen produktet ushqimore, ndërkohë që në tregun e improvizuar mungojnë edhe kontrollet nga inspektorët e AKU-së, të cilët mbyllin sytë përballë faktit të tregtimit të produkteve të ndryshme ushqimore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit