Bledar Jambelli, personi që konsiderohet nga prokuroria si njeriu që ka urdhëruar ekzekutimin e ish-drejtorit të policisë së Vlorës Artan Cuku, ka marrë pafajësi nga gjykata e Vlorës dhe Apeli, duke u liruar nga qelia e akuzat për dy vrasje.
Ndryshe sa kishin kërkuar prokurorët e Vlorës Vojsava Starova dhe Hyrjet Lamaj 25 vjet burg për Jambellin, trupi gjykues i shkallës së parë i përbërë nga gjyqtarët Arqile Basho, Anastasi Shehu dhe Mirela Mishgjoni nuk kanë vlerësuar provat e prokurorisë duke vendosur të shpallin të pafajshëm Jambellin, i cili akuzohej për vrasjen e Shpetim Muka, Ervis Shehaj, dhe plagojen e Edvin Zanaj. Por ky I fundit është vrarë disa muaj më vonë në Tiranë.
Gjurmët e gishtave që identifikuan Jambellin
Në periudhën e kësaj vrasje të dyfishtë në Vlorë, policia e këtij qyteti nuk drejtohej nga Artan Cuku. Por me mbëritjen e tij në këtë drejtori, ky i fundit gjatë hetimeve të kryera, ka rënë në gjurmët e kësaj vrasje duke identifikuar dhe arrestuar Bledar Jambellin, të cilin e akuzoi për dy vepra penale atë të vrasjes dhe mbajtjes pa lejë të armëve.
Sipas dinamikës së këtij hetimi në dosje thuhet se:”…gjatë ndjekjes së lëvizjes së mundshme të autorëve në datën 30 nëntor 2006 u bë e mundur gjetja e automjetit tip "Benz" 250 me targa “VL 0942 A”, e braktisur në aksin rrugor Bestrove-Bunavi, automjet i cili u administrua me cilësinë e provës materiale.
Nga verifikimet e kryera në lidhje me automjetin e braktisur rezultoi se ishte në pronësi të shtetasit Edmond Veshaj, banor i qytetit të Vlorës, i cili kishte bërë njoftim në datën 19 nëntor 2006 në sallën opertavive të Drejtorisë së Policisë Vlorë për vjedhjen e automjetit të tij. Gjithashtu targat e vendosura në këtë automjet i përkisnin një automjeti tjetër tip "BMË" pronë e shtetasit Foto Nika, banor i qytetit të Vlorës.
Edhe ky i fundit kishte bërë njoftim në Sallën Operative për vjedhjen e targave të automjetit që posedonte. Gjatë këqyrjes së automjetit është konstatuar se automjeti ishte i drejtuar për në drejtim të fshatit Bunavi. Në këtë automjet janë konstatuar disa vrima të shkaktuara nga armë zjarri ku më konkretisht në pjesën e derës së shoferit është konstatuar një vrimë tejshpuese me drejtim nga jashtë-brenda.
Në pjesën e kapakut të bagazhit është konstatuar një vrimë ovale me drejtim nga jashtë brenda.Nga përpunimi i këtij automjeti me pluhur dakliloskopik janë përftuar tre gjurmë papilare gishti me lënie ndjerse yndyrore të emërtuara me gërmën “A” (gjurmë e pjesshme e dy gishtave).
Ato janë gjetur në kundërt me vijën mbyllëse të portës një gjurmë tjetër papilare është gjetur në pjesën e dorezës së brendshme e emërtuar me gërmën “B” dhe e treta në pjesën e pasqyrës së brendshme e emërtuar me gërmën “C”.
Nga krahasimi i kësaj pjese gjurme e emërtuar me gërmen “A" bazuar në aktin e ekspertimit krahasues, rezulton se në tetë karakteristika përputhen me gjurmën e gishtit të unazës së shtetasit Rikardo Muho (Bledar Jambelli).
Gjurmet e dhjete gishtave të këtij shtetasi gjenden në kartelën daktiloskopike për "Transmetim të gjurmëve të gishtave midis vendeve europiane".Pas këtij konstatimi në datën 6 dhjetor 2012 është ndaluar në Komisariatin e Policisë Rinas, i pandehuri Bledar Jambelli i njohur dhe me emrin “Rikard Muho”. Këtij shtetasi i janë marrë gjurmët daktiloskopike të gishtave dhe të pëllëmbëve.
Bledar Jambelli dhe Artan Cuku
Mikel Shallari
Komente
Lajme të tjera
-
Përplasja masive me armë, prangosen 2 shqiptarë në Athinë! Dyshohet se mund të jenë porositësit e vrasjes së Komisarit Artan Cuku
14 Korrik 2022, 10:37 -
3 policë të rënë në krye të detyrës do prehen në ‘Varrezat e Dëshmorëve’! Vëllai i Artan Cukut: Fitoi shumë beteja me krimin por shteti nuk ka bërë ende drejtësi
5 Maj 2022, 13:17 -
3 policë të rënë në krye të detyrës do prehen në ‘Varrezat e Dëshmorëve’ nga 5 maji! Si dhanë jetën për vendin Elham Elezaj, Artan Cuku dhe Rufan Hakrama
3 Maj 2022, 12:33 -
U vra 5 vite më parë, shpallet qytetar nderi në Kamzë ish-komisari Artan Cuku
10 Prill 2022, 12:40 -
Përfitues edhe porositësi i vrasjes së komisarit Cuku! Hetimi në Greqi zbulon skandalin, si pajiseshin me pasaportë greke krerët e organizatave mafioze, shumë prej tyre shqiptarë
6 Dhjetor 2021, 12:32 -
Porositësi i vrasësit të komisarit Artan Cuku jetonte si grek, si u pajis me pasaportë false nga grupi kriminal duke paguar 35 mijë euro
5 Dhjetor 2021, 15:15 -
Kërkuan 1 mln € dëmshpërblim për vrasjen e ish-komisarit Artan Cuku, gjykata rrëzon kërkesën e familjarëve
16 Qershor 2021, 15:41
-
U ekzekutua në hyrje të pallatit, familjarët e Artan Cukut i kërkojnë shtetit dëmshpërblim 1 milion euro
5 Shkurt 2021, 11:51 -
U vra për shkak të detyrës! Familja e ish-kryekomisarit Artan Cuku kërkon dëmshpërblim, padit në gjykatë Policinë e Shtetit
28 Shtator 2020, 17:21 -
Vrasja e ish kryekomisar Cukut, Drejtësia kërkon ekstradimin e Jambellit, ideatori dhe porositësi i eksekutimit
2 Shtator 2020, 16:34
-
OLF i dërgon formularin porositësit të vrasjes së kryekomisarit Artan Cuku dhe 4 'të fortëve' të Gjirokastrës dhe Tepelenës
7 Gusht 2020, 15:20 -
Ish-policët me armë në brez! Zbardhet drafti i Ministrisë së Brendshme: Do të blihet me kontratë para noterit
19 Qershor 2020, 17:35
Dakort nese bashkepunon me prokurorine i shpeton denimit max.por ta denosh me vetem 10-vjet eshte turp,mbasi ky vrases kur te dale e perserit,keta kriminele jane te lindur,jane vrases gjakftohte qe jetojne me leket e krimit.
PërgjigjuKjo do te thote qe komisari eshte vrare per ushtrimine detyres. Turp qe e hodhen ne rruge ashtu dhe e lane te pambrojtur. Cfare morali ka ketu? kush punon e hedhin ne rruge. Turp
Përgjigju