Uron Sulltan Novruzin por nuk harron mesazhet politike, Meta: Ishte dimër i acartë por pranvera është e pandalshme

 

Nga Selia e Kryegjyshatës Botërore Bektashiane, ku ishte për të uruar Sulltan Novruzin, Ilir Meta nuk harroi edhe këtë herë mesazhet e 'koduara' politike.

Meta tha se vendi ka kaluar një dimër të ashpër por kjo pranverë do të jetë e pandalshme.

"T'i uroja të gjithë shqiptarët në këtë ditë të pranverës dhe ripërtëritjes së shpresës por edhe të demokracisë. Pranvera dhe demokracia janë në sintoni me njëra-tjetrën. Shpresat e qytetarëve janë për një jetë me të mirë. Sot bashkohem me mesazhet e Kryegjyshit për të gjithë shqiptarët. Të jemi më të dashur dhe më tolerantë me njëri-tjetrin  Ka qenë dimër i jashtëzakonshëm, kemi pasur reshje bore të jashtëzakonshme por lulet kanë çelur, mimozat kanë çelur kështu që pranvera do të jetë e pandalshme dhe do të na ndihmojë të gjithëve për më shumë optimizëm.

Shqiptarët presin shumë nga e ardhmja, sidomos nga kjo pranverë, dhe kanë kuptuar që fuqia është e tyre", tha ndër të tjera Meta, i cili në fund u pyet për çështjen e vaksinave ruse dhe u përgjigj se 'Apeloj që të rrisim masat, sigurinë për të ruajtur shëndetin, sigurisht në baza shkencore".

Lajmi kryesor:

Sot kremtohet Sulltan Novruzi, Baba Edmond Brahimaj: Pandemia nuk na ka penguar që të jemi shpirtërisht pranë njëri-tjetrit! Uron politika dhe ambasadorja Kim

K.T./r.k./Shqiptarja.com

TAG:
• edmond brahimaj
• baba mondi
• sulltan novruzi
• Dita e Ashures