/ATSH-AFP/ - SHBA-ja denoncoi sot aktivitetet destabilizuese të Pekinit në Detin e Kinës Jugore pasi Kina kishte rikonfirmuar të drejtën e saj për ndërtime në ishujt e këtij rajoni të diskutueshëm me vendet e Azisë Juglindore.
"Rekuperimi i territoreve dhe aktiviteti ndërtues rrisin shqetësimet në rajon përsa i përket qëllimeve të Kinës", deklaroi zëdhënësi i departamentit të Shtetit, Jeffrey Rathke.
Fotografitë satelitore të publikuara dje zbulojnë operacione të rëndësishme për zgjerimin e një ishulli dhe ngritjen e porteve artificiale mbi shkëmbinjtë nënujorë të ishujve Spratleys, në Detin e Kinës Jugore./