POP 5

Lajmet më të lexuara të 5 minutave të fundit

Sociale

UT kundër draftit për reformën në
arsimin e lartë, drejt protestave

Pas disa javë debatesh me stafet akademike, Senati i Universitetit të Tiranës deklaron se drafti i propozuar nga qeveria për reformimin e sistemit të arsimit të lartë nuk përmbush kërkesat për një reformë të plotë në arsimin e lartë.
UT kundër draftit për reformën në<br />arsimin e lartë, drejt protestave
TIRANE- Pas disa javë debatesh me stafet akademike, Senati i Universitetit të Tiranës deklaron se drafti i propozuar nga qeveria për reformimin e sistemit të arsimit të lartë nuk përmbush kërkesat për një reformë të plotë në arsimin e lartë, ndërkohë që vlerëson nismën e qeverisë për një reformë të tillë dhe konsultimin me grupet e interesit.

“Mbështetur në qëndrimet e fakulteteve dhe strukturave studentore, Senati shprehet se, meqenëse drafti i propozuar nuk përmbush kërkesat për një reformë të plotë të arsimit të lartë dhe kërkimit shkencor, duhet që domosdoshmërisht të përfaqësojë propozimet e grupeve të interesit. Senati kërkon që e njëjta procedurë e ndjekur për raportin e parë të zbatohet për fazat e tjera, për raportin e dytë dhe pr/ligjin që do përgatitet, në mënyrë që strukturat e universiteteve të shprehin qëndrimet e tyre”, deklaroi rektori Dhori Kule.

Nga ana tjetër edhe studentët e UT-së janë kundër këtyre ndryshimeve dhe ligjit dhe për këtë arsye ata kanë deklaruar se do të nisin protestat nga java e ardhshme. Në një deklaratë ata i kanë kërkuar kryeministrit Edi Rama që të rikthejë propozimet e komisionit të reformës për arsimin e lartë, pasi raporti i parë cenon autonominë e universitetit dhe të drejtat e studentëve. Studentët janë shprehur se në protestat që do të nisin javën e ardhshme nëse nuk do të ketë një reagim, do të kenë edhe mbështetjen e profesorëve e drejtuesve të fakulteteve të ndryshme.

Raporti i parë i komisionit të reformës për arsimin e lartë, është pritur me kritika nga pothuajse të gjitha universitetet publike. Disa propozime të tij, si modeli i financimit, integrimi i bordeve me strukturat e universiteteve, apo mënyra e pranimit të të rinjve, si dhe rritja e tarifave të shkollimit kanë qenë disa nga pikat që nuk janë mirëpritur nga stafet drejtuesve të të 16 institucioneve publike të arsimit të lartë. Nga ana tjetër, javën e ardhshme Komisioni i Arsimit të Lartë pritet të bëjë publike detajet dhe ndryshimet e fundit në draft. Në muajin korrik raporti për reformën në arsimin e lartë do të kalojë për miratim në Parlament. 


Shkrimi u botua në Shqiptarja.com (print) në 30 maj 2014
(d.a/shqiptarja.com)  
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51