Kërkimet për Covid-19 dhe kurimi i tij janë njollosur me gjak, dhe tani misteri mbështjell vrasjen para pak ditësh të profesorit kinez të universitetit amerikan të Pittsburgh i cili u qëllua për vdekje në kokë me armë zjarri. Siç u tha nga kolegët e tij, ai ishte afër bërjes së "zbulimeve shumë domethënëse" në lidhje me koronavirusin që shkaktoi pandeminë globale dhe ka të ngjarë të ndryshojë jetën tonë përgjithmonë.
Dhe, megjithëse hetuesit nuk mund ta lidhin motivin e vrasjes me kërkime të përparuara shkencore mbi një temë kaq delikate, një vello misteri tashmë po mbulon çështjen nën hetim.
Personi që vrau Bing Liu, 37 vjeç, ishte një burrë tjetër, Hao Gu, 46 vjeç, gjithashtu nga Pittsburgh, i cili u gjet i vdekur në të njëjtën ditë, të shtunën më 2 maj, jo shumë larg vendit të ngjarjes. Dyshohet se ai kreu vetëvrasje në makinën e tij pasi kishte lënë të vdekur më parë studiuesin në oborrin e shtëpisë së tij.
Sipas hetuesve, vrasja nuk kishte të bënte me ndonjë vjedhje, në fakt, të dy burrat e njihnin njëri-tjetrin, dhe vrasësi kishte vepruar kur gruaja e viktimës ishte larg shtëpisë. Sipas policisë së Pittsburgh-ut, "pista kineze" duhet të përjashtohet: domethënë një vrasje e lidhur me origjinën aziatike të njeriut; por në të njëjtën kohë nuk mund të mos merret në konsideratë implikimi i mundshëm i hulumtimit të tij në Sars-Cov-2.
Burime brenda universitetit amerikan ku viktima kishte punuar për gjashtë vjet thane se "Bing ishte në prag të bërjes së zbulimeve shumë domethënëse për të kuptuar mekanizmat celularë që mbështesin infeksionin Sars-CoV-2 dhe bazën celulare të komplikimeve që ai shkaktonte”.
Kolegët e tij nga Departamenti i Biologjisë dhe Sistemeve Kompjuterike të Shkollës së Mjekësisë e përshkruanin atë si një "studiues dhe mentor të jashtëzakonshëm", duke deklaruar se ata do të përfundonin hulumtimin që ai po kryente me përkushtim.
Bing Liu, me origjinë nga Kina, kishte një diplomë dhe doktoraturë në shkencë kompjuterike nga Universiteti Kombëtar i Singaporit dhe më pas u vendos në Shtetet e Bashkuara, dhe vazhdoi karrierën e tij akademike së pari në Universitetin prestigjioz Carnegie Mellon, ku bashkëpunoi me Profesor Edmund Clarke, dhe më pas në Shkollën e Mjekësisë të Universitetit të Pittsburgh-ut, ku Andrea Gambotto dhe Louis Falo aktualisht janë angazhuar në koordinimin e një grupi studiuesish që punojnë pa u lodhur për të krijuar një vaksinë efektive për të ndaluar koronavirusin e ri Sars-Cov-2. Sipas shkencëtarit italian, vaksina - një lloj leukoplasti me disa qindra mikrogjilpëra që vendoset mbi lëkurë dhe që mund të jetë e para që do të aprovohet nga Administrata e Ushqimit dhe Barnave në SHBA- ka kaluar fazën e testimit të kafshëve, duke prodhuar sasinë e antitrupave specifike të mjaftueshme për të neutralizuar koronavirusin. Një synim shumë i lakmuar në këtë moment konkurrence shkencore dhe një garë e vërtetë vaksinash që do të "shpëtojë botën". Në diskutim nuk është vetëm ruajtja e njerëzimit, por edhe interesat ekonomike dhe politike.
Sipas gazettes italiane Il Giornale, për këtë arsye, dhe për "zbulime shumë domethënëse" të kryera nga viktima në lidhje me "koronavirusin misterioz “ që shumica e opinionit publik beson se e ka prejardhjen nga Kina, pavarësisht se ende nuk ka prova të mjaftueshme që mund të mbështesin tezën, një armë biologjike e krijuar në disa laboratorë sekret me qëllim për të gjeneruar kaos dhe shkatërrimin e disa synimeve gjeopolitike – disa agjegji të inteligjencës amerikane po kërkojnë lidhje midis kërkimit mbi Covid-19 dhe ekzekutimit brutal të studiuesit kinez.
Lajme të tjera
-
Rritja e rasteve me COVID-19 rikthen mbajtjen e maskave në disa spitale në SHBA
4 Janar, 22:59 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Shtrimet në spitale në 2022 u shtuan 8% pas pandemisë! Fluksi më i lartë në kardiologji dhe psikiatri
4 Maj 2023, 07:45 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11
