Kushdo që ka kryer vaksinën kundër COVID-19 duhet të presë të paktën 14 ditë për të injektuar vaksinën kundër gripit.
"Nëse një pacient është vaksinuar ndaj COVID-19 të paktën duhet të presi mbi 14 ditë për tu vaksinuar përsëri me vaksinën e gripit. Ka pasur një interesim të lartë për vaksinën e gripit. Ne jemi në ditët e para por kemi bërë rreth 40 apo 50 në ditë vaksina", tha Besar Hysi, drejtori i Qendrës Shëndetësore nr.6.
Ky proces ka nisur prej së shtunës në Qendrat Shëndetësore.
![](https://shqiptarja.com/template/img/NO_ALFA_Kuadrate shqiptarja.png)
"Në radhë të parë është vaksinimi ndaj personelit mjekësor, njëkohësisht edhe me të sëmuret kronik edhe ata persona mbi 65-vjeç pastaj duke vazhduar edhe me gratë shtatzëna apo me personat obez", u shpreh drejtori i QSH nr.6
Veç vaksinës kundër gripit, qytetarët po shfaqin interes edhe për dozën e tretë të vaksinës kundër COVID-19 që tashmë është miratuar nga Komiteti Teknik i Ekspertëve dhe do të aplikohet prej datës 1 nëntor.
Ju e keni kryer vaksinën e COVID?
Po patjetër, presim të tretën.
Do ta bëni dhe dozën e tretë?
Do ta bëjmë edhe të tretën.
Vaksinën e gripit e kryeni çdo vit?
Po çdo vit e kam bërë, ndjehem më i mbrojtur ndaj erdha.
Unë sa e bëra vaksinën e gripit. Çdo vit e kam bërë. Na ka mbrojtur se mos të na kishte mbrojtur nuk do vinim këtu.
Vaksinën kundër COVID e keni kryer?
Edhe ato i kemi bërë të dyja, presim të tretën.
Edhe ju do ta bëni dozën e tretë?
Në rast se do të jetë nevoja do e bëjmë, dy dozat e para i kam të vaksinës kineze.
Çdo vit e bëni vaksinën e gripit?
Po çdo vit, ndjehemi shumë më të mbrojtur, mezi prisnim shyqyr që erdhën.
Vaksinën kundër COVID e keni bërë?
I kemi bërë të dyja.
Po dozë të tretë do bëni?
Patjetër po qe se do e rekomandojnë po patjetër.
Në dy javët e fundit ka pasur një rritje të infektuarve me COVID, kryesish të moshave 40-50 vjeç.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)