Kryeministri Edi Rama ka bërë një paralelizëm mes takimeve elektorale të kreut të PD Lulzim Basha në shkelje të masave anti COVID dhe të procesit të vaksinimit masiv që ka nisur prej 3 ditësh në të gjithë vendin për të vënë nën kontroll situatën e pandemisë.
Duke i ilustruar këto 2 situata me foto, Rama thotë se janë 2 botë të ndryshme, ku njëra lufton për të shpëtuar jetën e të gjithëve pa dallim, tjetra sipas tij "bën përsheshe me virus për politikë".
“Du botë- Njëra lufton për të shpëtuar jetën e të gjithëve pa dallim, tjetra bën përsheshe me virus për politikë pa din e as iman... Vazhdon vaksinimi masiv në gjithë Shqipërinë. Vazhdon paralelisht edhe infektimi masiv, për vete hipur mbi makinë, nën këmbë ta hajë kush ta hajë”, shkruan Rama.
Ndonëse vazhdon vaksinimi masiv në gjithë Shqipërinë, Rama thekson se paralelisht vijon edhe infektimi masiv, duke iu referuar këtu takimit të Bashës sot në Fier i cili kishte mbledhur simpatizantët duke shkelur masat antiCOVID.
Gjatë takimit me mbështetësit Basha u bëri thirrje që të ruajnë distancën dhe të mbajnë maskën, megjithëse dukej se ishte e pamundur për t'u respektuar masat në një situatë të tillë.
Partia Demokratike i është përgjigjur sërish kryeministrit Edi Rama në lidhje me reagimet e kreut të qeverisë për grumbullimet që organizon Lulzim Basha gjatë takimeve me qytetarët.
‘Rama e di qё do tё humbasё, ndaj po pёrpiqet tё sulmojë takimet tona elektorale duke pёrdorur pretendime tё rreme. Rama e di qё askush nuk mund t’i ndalojё qytetarёt shqiptarё qё duan ndryshim dhe kjo e shqetëson atё.
Ajo qё ai di tё bёjё ёshtё tё fajёsojё çdokёnd pёr dёshtimet e tij. Partia jonё funksionon si çdo parti nё Shqipёri – nё zbatim tё ligjit dhe nё mёnyrё demokratike.
Rama pёrpiqet ta ndalojё kёtё duke keqinformuar dhe duke pёrdorur kёrcёnime dhe presion ndaj PD. Por kjo nuk do ta ndihmojё atё. Nё 25 Prill, Shqipёria do tё fitojё dhe Rama do tё humbasë.’- shkruan PD.
Kryeministri Edi Rama vijon replikat me PD, lidhur me fushatën elektorale të kreut të PD Lulzim Basha në shkelje të rregullave anti COVID.
Pas përgjigjies së PD e cila tha se Rama ka frikë nga qytetarët që duan ndryshimin, Rama shkruan se ai është i frikësuar për njerëzit e tij, të cilët të mbledhur në grumbull rrezikojnë nga COVID.
"O lula unë jam i frikësuar për njerëzit tuaj që i bëni mish për top me grumbullimet e turpshme të papërgjegjshmërisë suaj, duke mbledhur njerëz të verbër me makina e me bori, që virusi të bējë dasëm teksa dhëndrri juaj premton ta bëjë ditën natë! Premtim i mbajtur fatkeqësisht“, shkruan Rama.
PD i përgjigjet kryeministrit Edi Rama pasi ky i fundit tha se kryedemokrati Lulzim Basha po infekton qytetarët me mitingjet elektorale që po zhvillon në shkelje të rregullave anti COVID.
Sipas PD Rama ndihet i frikësuar nga qytetarët që sipas tyre duan të sjellin ndryshimin më 25 prill.
“Rama ndihet i frikësuar nga qytetarët e Shqipërisë që duan të sjellin ndryshimin që i nevojitet vendit tonë. Ka vetëm dy mundësi: një lider që punon për ju, për të sjellë ndryshimin që i nevojitet Shqipërisë, për t'i përmirësuar jetët tona, ose Rama i cili dështoi për 8 vite dhe ua dha Shqipërinë oligarkëve. Më 25 prill, Shqipëria do të fitojë dhe Rama do të humbë”, thotë PD.
Komente
Lajme të tjera
-
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
Festa e Krishtlindjes në Lushnjë, mbahet mesha në Kishën e Shën Gjergjit
25 Dhjetor, 10:38 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59
Mjeket e familjes po mbushin xhepat , po shikojme te rijne qe po vaksinohen jashte rradhes ku ka akoma te moshuar pa u vaksinuar. Qeveria thote se vaksinimi do behet me rradhe duke mbaruar me me te vjetrit ne moshe, por po shikojme qe ky urdher i qeverise nuk po zbatohet nga mjeket e familjes. Gazetare! ngriheni pak zerin , shikoni se si jane te organizuara shtetet e tjera te cilat po zbatojne me rreptesi rradhen e vaksinimit
Përgjigju