Vangjeli: Naivitet kriminal të mendosh se drejtësia e re do të ndryshonte klasën politike në vend

Me krijimin e organeve të reja të Drejtësisë, shumica e qytetarëve kanë pritur edhe ndëshkimin e zyrtarëve në nivelet më të larta. 

Por a duhet pritur nga SPAK që të korrigjohet edhe politika? Për analistin Lorenc Vangjeli kjo pyetje ka vetëm një përgjigje. Në emisionin ‘Kontrast’ të Report TV, ai deklaroi se është naivitet kriminal të mendosh se drejtësia e re do të ndryshonte klasën politike në vend. 

Sipas tij, kjo lidhet me ndarjen e pushteteve dhe se politika ndryshohet vetëm përmes zgjedhjeve. Vangjeli tha se drejtësia godet individin apo fenomenin, por jo të bëhet pjesë e lëvizjeve politike.

“Është naivitet kriminal të mendosh se drejtësia e re, qoftë edhe ajo hyjnore, do të ndreqë apo do të ndihmojë në përmirësimin e klasës politike. Sepse bie ndesh me ndarjen e pushteteve. Do ishte më e dëmshme të ndërhynte drejtësia në korrigjimin e klasës politike, sesa një klasë politike e keqe. Drejtësia godet individin, fenomenin. Politika vetërregullohet përmes sistemit të votës dhe kjo është thelbësore. 

Vetëm ata që nuk e duan këtë vend e kanë artikuluar këtë dhe e kanë besuar naivët. Jo, drejtësia dhe politika janë dy pushtete të ndara. Do të godasë për shembull ministra të caktuar dhe kjo mund të sjellë mundësinë e përmbysjes së një qeverie dhe të zgjedhjeve të parakohshme. Por nuk ka gjë më të tmerrshme sesa një drejtësi me prapavijë politike. Në Italinë e 30 viteve më përpara ndodhi një gjë e tillë, shumë më e zbutur se kjo që themi sot. Gjyqtarët heronj u shndërruan në klasë politike dhe s’e bënë Italinë as më të mirë, as më të ndershme. 

Imagjinoni se çfarë mund të ndodhë në një vend të varfër si Shqipëria. Është ende shpejt, por s’është vonë për të parandaluar të ligët” – tha Lorenc Vangjeli.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet