Një vatër zjarri është shfaqur në zonën e njohur si “Buzëa e bredhit” në Tepelenë, por pa pasoja të mëdha.

Ekspertët thonë se zjarri ka rënë në një sipërfaqe me kullotë dhe shkak dyshohet të jetë bërë një pakujdesi nga barinjtë, të cilët kanë qenë duke kullotur bagëtitë e tyre në këtë zonë.

Menjëherë pas njoftimit të bërë, ekspertë të Shërbimit Zjarrfikës kanë shkuar në vendin ku është shfaqur zjarri dhe kanë nisur punën për neutralizimin e flakëve.

Bëhet e ditur se, nga flakët e zjarrit nuk rrezikohen banesat ndërkohë që situata po monitorohet hap pas hapi.


Redaksia Online
(F.T/shqiptarja.com)