Vdekja e ish-kryeparlamentarit të Kosovës, Osmani: Një ndër veprimtarët më të shquar të lëvizjes për pavarësinë e Kosovës

Presidentja Vjosa Osmani ka reaguar pas lajmit se ish-kryeparlamentari i Kosovës, Kolë Berisha ka ndërruar jetë. Përmes një postimi në ‘Facebook’, Osmani shkruan se Berisha ka qenë një ndër veprimtarët më të mëdhenj që gjithë jetën ia kushtoi lirisë së Kosovës.

“Me pikëllim të thellë e mora lajmin për ndarjen nga jeta të Kolë Berishës, njërit ndër veprimtarët më të shquar të lëvizjes për pavarësinë e Kosovës, bashkëpunëtorit e bashkëmendimtarit të presidentit historik, dr. Rugovës, njeriun e urtë e njeriun e paqes, i cili tërë jetën ia  kushtoi lirisë së vendit të tij.

Sot, ai u nda nga ne, duke na lënë të pikëlluar, por edhe krenarë për veprën e tij shumëdimensionale. Mësues  i hershëm dhe idealist i madh, autor tekstesh letrare e veprimtar i pashoq politik, pajtues gjaqesh e urë lidhëse mes njerëzish, kryetar i Kuvendit të Republikës së Kosovës e politikan i urtë, bacë Kola dha shembullin e njeriut i cili beson në idealin e lirisë dhe ia kushton tërë jetën asaj. Ndarja nga jeta e tij do të lë zbrazëti të madhe në jetën tonë publike. I përjetshëm qoftë kujtimi për të”, shkruan Osmani.

LEXO EDHE:
Report Tv siguron kërkesë padinë e Metës për divorc me Kryemadhin: Kemi disa muaj që s'jetojmë bashkë! Qëndrimet politike prekën raportin tonë

Lajmi kryesor:

Shuhet ish-kryeparlamentari i Kosovës, Kolë Berisha! Osmani: Jetën ia kushtoi lirisë së vendit! Meta: I palodhur në shërbim të çështjes kombëtare

SI.E./Shqiptarja.com

TAG:
• Ilir Meta
• kosove
• gramoz ruçi
• Ramush Haradinaj
• Vjosa Osmani
• kole berisha
• visar berisha