Veliaj akuza PD: Teatri më i keqfinancuari në kohën e tyre, në Shqipëri s'të lënë të bësh punë të mira

I ftuar në Report Tv, Erion Veliaj tha se Shqipëria është një vend që kur do të bësh punë të mira të fusin stërkëmbëshat. Veliaj nuk ka hezituar edhe të akuzojë PD se në kohën që qeveriste, teatri kombëtar  ka qenë më i keq financuar se kurrë.

"Shqipëria nuk është ky vendi që të hapin derën dhe të shtrojnë tapetin e kuq për të bërë punë të mira. Me teatrin e ri kemi një shans fantastik, ashtu si me pazarin e  ri, parkun e lojërave të liqeni etj, ku gjithmonë kanë pasur kundërshtime e rezistencë dhe në fund të gjithë po i shijojmë. Asnjë  punë e mirë në këtë qytet nuk bëhet pa debat.  Të bësh një punë të mirë Shqipëri, nuk mungojnë stërkëmëshat. Arti kultura teatri kanë qenë më keq i financuar kur kanë drejtuar këto 'dashnorët  e teatrit'.  Nuk mund t'i trembesh një pune të mirë në qytetet. Mos ngatërroni OJF Europa Nostra me UNESCO", tha Veliaj.

Lajmi kryesor:

Veliaj në '5 pyetje nga Babaramo': Punimet për teatrin nisin në fund të vitit! Territori i teatrit do të 3-fishohet

/r.k./Shqiptarja.com

TAG:
• erion veliaj
• teatri kombetar
• 5 pyetjet nga babaramo