Ministri i Drejtësisë Ulsi Manja ka bërë me dije se sot është kaluar me vendim qeverie marrëveshja e bashkëpunimit me Mbretërinë e Bashkuar për transferimin e personave të dënuar. Manja tha se kjo nuk ka lidhje me atë që është publikuar në mediat britanike, se në Shqipëri do të ndërtohet një kamp për refugjatët. Pas mbledhjes së Këshillit të Ministrave, Manja ka bërë publike marrëveshjen e bashkëpunimit në fushën e ndihmës juridike mes Shqipërisë dhe Mbretërisë së Britanisë së Madhe e Irlandës së Veriut për transferimin e personave të dënuar në këto vende.
Sipas ministrit kjo marrëveshje thjeshton procedurat e transferimit të personave të dënuar, si dhe eliminon pengesat dhe diferencën që ka ndërmjet dy sistemeve ligjore.
“Përfituesit nga kjo marrëveshje janë në radhë të parë autoritetet gjyqësore, por edhe personat e dënuar, sigurisht në funksion të qëllimit të dënimit, pra rehabilitimin e tyre dhe integrimin në shoqe”, është shprehur Manja.
Për sa i përket një lajmi në mediat britanike nisur edhe nga kjo marrëveshje, se Shqipëria do të presë refugjatë ekonomikë, Manja ka qenë kategorik se kjo është një spekulim i pastër mediatik dhe marrëveshja e sotme nuk ka asnjë lidhje me këtë.
"Kjo është një marrëveshje dypalëshe e lidhur edhe me vende të tjera të BE-së dhe ka të bëjë me bashkëpunimin juridik në fushën e çështjeve penale, nuk ka të bëjë aspak me trajtimin e personave të tjerë siç aludohet për të kthyer Shqipërinë si vend trajtimi për refugjatë. Shqipëria as ka qenë në bisedime të tilla, as është e as do të jetë ndonjëherë”, tha Manja.
Gjithashtu me vendim të Këshillit të Ministrave sot Afrim Qendro është emëruar prefekti i ri i qarkut të Tiranës. Prej më tepër se një viti Qendro ishte emëruar nënkryetar i Bashkisë së Vlorës, post që e ka mbajtur deri në shtator duke deklaruar paraprakisht se do të angazhohej me detyra të tjera partiake.
Pjesë e miratimit të vendimeve, ishte edhe një marrëveshje financiare që kap vlerën 1.2 mln euro për zhvillimin e zonave ndërkufitare ndërmjet Shqipërisë dhe Kosovës.
Ndërsa në lidhje me protestën e fermerëve kundër paketës së re fiskale, ministrja e Bujqësisë Frida Krifca ka deklaruar se janë në bisedime e sipër me ta për zgjidhjen e këtij problemi.
Majlinda Perriu dhe Spiro Maliqi
Me vendim të Këshillit të Ministrave është liruar nga detyra prefekti i qarkut të Elbasanit Spiro Maliqi. Në vend të tij është emëruar Majlinda Perriu, ndërsa vendimi hyn menjëherë në fuqi.
Maliqi e mbante këtë detyre prej 7 qershorit 2021, i cili më herët mbante postin e shefit të kabinetit të Kryetarit të Bashkisë Elbasan. Ndërkohë që Majlinda Perriu është petagoge në Universitetin e Elbasanit “Aleksandër Xhuvani”.
Ministrja e Kulturës, Elva Margariti, ka kaluar në vendim, projekligjin për ligjin e të drejtës së autorit me kërkesë të Komisionit Evropian. Ajo tha pas përfundimit të mbledhjes se janë zhvilluar konsultime në lidhje me artistët që përfitojnë nga e drejta e autorit.
“Sot kemi kaluar në vendim të Këshillit ë Ministrave projektligjin e rishikimit të ligjit për të drejtat e autorit. Kjo ka qenë kërkesë e KE për afrimin e të gjithë pjesët e kapitujve që lidhen me integrimin në BE. Ministria e Kulturës ka qenë pjesë e një prej kapituajve, kemi arritur të sjellim ato kërkesa që lidhen me veprat pa autorë, pa udhëzimet dhe direktivat e duhura të mbetura që prej 2016. Ministria e Kulturës ka zhvilluar konsultime publike duke dalë në konkluzion edhe të pikave të tjera që kanë nevojë ndryshime në ligj.”- tha Margariti.
Gjatë mbledhjes së sotme të qeverisë, pjesë e miratimit të vendimeve, edhe një marrëveshje financiare që kap vlerën 1.2 mln euro për zhvillimin e zonave ndërkufitare ndërmjet Shqipërisë dhe Kosovës.
“Është një marrëveshje financiare që ka vlerën e 1 milion eurove, grant i Bashkimit Europian edhe me bashkëfinancimin e dy vendeve tona, Shqipëri- Kosovë kap vlerën e 1.2 milionë eurove. Fondi synon t’i vijë në ndihmë zhvillimit social ekonomik të zonave ndërkufitare të të dy vendeve që prek të gjitha bashkitë e Qarqeve Lezhë dhe Kukës.”- tha ministrja Xhaçka.
Pas protestës së fermerëve të cilët janë shprehur kundër paketës së re fiskale, ministrja e Bujqësisë, Frida Krifca ka deklaruar se janë në bisedime e sipër me ta për zgjidhjen e këtij problemi. Kjo përgjigje vjen pas mbledhjes së Qeverisë, ku ministrja mes të tjerave bëri me dije se është marrë vendimi për shtyrjen e programit të zhvillimit rural.
“Kam qenë në Lushnje dhe kam kontaktuar me fermerët dhe dialogu nuk ka munguar, por ato kanë pretendime për paketën fiskale që janë të propozuara në buxhetin e vitit 2022. Jemi në dialog të vazhdueshëm për të pasur një bujqësi më të qëndrueshme që i qëndron problematikave të kohës, jemi në një kah dhe jo në një kah të ndryshe”, ka thënë ministrja.
Më herët, fermerët i kanë adresuar disa kërkesa Ministrisë së Bujqësisë dhe kryeministrit Rama, ku kërkojnë subvencione direkte për prodhimet e tyre bujqësore, barazim të TVSH-së në shitje dhe në blerje si dhe rivendosjen e TVSH-së me 6%.
KËRKESAT E FERMERËVE
- 1. Subvencionim direkt i fermerit me 10 lekë për kg
- 2. Barazim i TVSH në shitje dhe blerje
- 3. Pezullim i TVSH për plehrat kimike, inputet bujqësore
- 3. subvencionim 3 lekë për eksportuesit
- 5. Laboratorë analizash për tokat dhe perimet
- 6. Garanci për paget e faturave nga grumbulluesit
Afrim Qendro është emeruar prefekti i ri i qarkut të Tiranës. Vendimi është marrë në mbledhjen e Këshillit të Ministrave. Prej më tepër se një viti Qendro ishte emëruar nënkryetar i Bashkisë së Vlorës, post që e ka mbajtur deri në shtator duke deklaruar paraprakisht se do të angazhohej me detyra të tjera partiake.
Qendro gjithashtu ka mbajtur në Vlorë edhe funksionin e koordinatorit elektoral për qarkun. Më herët Afrim Qendro ka drejtuar Autoritetin Rrugor Shqiptar. Posti i prefektit të Tiranës deri disa muaj më parë është mbajtur nga Toni Gogu, i cili aktualisht është deputet i Partisë Socialiste.
Komente
Lajme të tjera
-
Ministri Hoxha takim me ambasadorin britanik: Reduktimi i migracionit të paligjshëm një prej sfidave më kritike për dy vendet
28 Tetor, 16:14 -
Sky News: Britania do të forcojë partneritetin për luftën kundër krimit me Shqipërinë pas operacioneve të suksesshme
26 Tetor, 20:19 -
Anglia ndalon shitjen e cigareve elektronike
25 Tetor, 15:50 -
Komisioni i Përbashkët Mbikëqyrës me Britaninë e Madhe, Manja: Bashkëpunim në fushat me interes të përbashkët
16 Tetor, 15:57 -
Drejtësia refuzoi ‘Antikorrupsionin’, Manja: Një prokuror s’mund të atashohet në komision, do japin ekspertizë! Mikrokreditë? Ndryshime ligjore për shërbimin përmbarimor privat
14 Tetor, 15:01 -
Nga 20 mijë - 100 mijë lekë'! Qeveria miratohen shtesat mbi pagën mujore për forcat e armatosura
10 Tetor, 13:48 -
Tur në Kukës dhe Tropojë me të rinjtë, ambasadori britanik Abbott: Mbretëria e Bashkuar është partneri juaj, besojmë te potenciali i Shqipërisë!
9 Tetor, 18:34 -
Rama batuta me Manjën para të rinjve, shpërthejnë të qeshurat: Të hysh në administratë duhet të jesh nga Dibra, kushëri i Ulsiut...
8 Tetor, 21:05 -
Ministri Manja pret në takim homologun italian Carlo Nordio: Përparësi juridike luftës ndaj terrorizmit transnacional
3 Tetor, 11:56 -
‘I kanë hyrë një rruge pa krye!’ Manja për kaosin e PD-së në Kuvend: Hallet e shqiptarëve nuk zgjidhen me mosbindje që shkon në djegie e dhunë fizike!
2 Tetor, 13:57 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Kaosi në Kuvend, Manja: Akt rrugaçërie i Berishës për hallet e veta dhe për listën e deputetëve! Saliu është topi, Salianji dhe shokët janë mishi
1 Tetor, 15:47
Aftim Qendro njeriu qe beri skandalin e unazes se re… kryehajdut i rrugeve qe u shkarkua dhe duhej te futej ne burg.., kaq i vlefshem eshte per Edi Ramen ky hajdut me çizme…beri corap Vloren ta bente kryebashkiak… cfare di zoteria per Edi Ramen qe ka kaq vlerre….!!??
Përgjigju