Vendimi i kontestuar/Adem Lala: Pse nderimi i Gafurr Mazrekut është i drejtë 

Një vendim i Këshillit Bashkiak të Hasit, për të shpallur "Qytetar Nderi" Gafurr Mazrekun, atentatorin e Azem Hajdarit, ka ndezur një luftë të re politike në Tiranë. Partia Demokratike e konsideron këtë vendim si akt kriminal të kryeministrit Edi Rama, ndërsa ka paralajmëruar një përgjigje të fortë. Nga ana tjetër, kryeministri Edi Rama është distancuar zyrtarisht nga ky vendim, ndërsa vendimi është dënuar edhe nga Presidenti, Ilir Meta.

Po çfarë mendon kryetari i Bashkisë së Hasit për këtë çështje, e cila ka turbulluar ujërat e politikës së Tiranës?

I kontaktuar nga Shqiptarja.com, kryebashkiaku i Hasit mbështet nderimin e Gafurr Mazrekut, teksa thekson se ky i fundit ka kontribut lokal.

“Tirana ka probleme më të mëdha se këtë problem. Është një vendim i marrë nga këshilli bashkiak. Për mendimin tim është një vendim i drejtë për kontributin që ka dhënë z. Mazreku për komunitetin që ka përfaqësuar. Vlerësimi ka qenë lokal dhe jo kombëtar. Z. Mazreku, pasi ka kryer dënimin është zgjedhur kryetar i Komunës Fajze të Hasit. Edhe një herë, vlerësimi është bërë për kontribut lokal”.

LEXO EDHE:
E quajti kriminel, Pandeli Majko 'këshillon' Berishën: Një tropojan duhet të jetë i kujdesshëm me fjalën, këto gënjeshtra ik bëj në Parlament

Adem Lala, kryetar i Bashkisë Has

I pyetur mbi reagimin e Presidentit të Republikës, Ilir Meta, kryebashkiaku i Hasit thotë se Meta ka qenë mik i të dyve, si i Gafurr Mazrekut ashtu edhe i Azem Hajdarit. Vendimi i miratuar dje nga Këshilli Bashkiak i Hasit mban firmat e kryetarit të Bashkisë, Adem Lala, juristes Erjeta Mula si dhe përgjegjësit për arsimin dhe kulturën Dylber Gega.

“Të nderojë më titullin ‘Qytetar Nderi’ (pas vdekjes), intelektualin e shquar z. Gafurr Halim Mazrekun, pas vdekjes, për kontributin e dhënë në ushtrimin e detyrës së besuar nga populli i tij për pushtetin vendor, kontributin e përçmuar jo vetëm për popullin e zonës së tij, por edhe për mbarë popullin e Hasit, me motivacionin” “Personalitet intelektual, për kontributin e pashoq në pushtetin vendor”, thuhet në vendim. 

TAG:
• Adem Lala
• gafurr mazreku
• Bashkia Has

Sondazhi i ditës:

A ka politika frikë nga SPAK-u?

• Po

  68.9%

• Jo

  26.4%

• Nuk e di

  4.7%

Vota total: 2949

• Sondazhi i ditës:

  A ka politika frikë nga SPAK-u?

  Po Jo Nuk e di