POP 5

Lajmet më të lexuara të 5 minutave të fundit

Politikë

Vendimi i qeverisë, Garda do të lejohet të përdorë lëndë kimike neuroparalizuese për kontrollimin e turmave

Garda e Republikës së Shqipërisë do të lejohet që të përdorë lëndë kimike për kontrollimin e turmave

Vendimi i qeverisë, Garda do të lejohet të përdorë lëndë kimike neuroparalizuese për kontrollimin e turmave

Foto ilustruese

Garda e Republikës së Shqipërisë do të lejohet që të përdorë lëndë kimike për kontrollimin e turmave. Në vendimin e Këshillit të Ministrave për përdorimin e armatimeve, dhe pajisjeve të tjera për përdorimin e forcës nga garda e Republikës së Shqipërisë, është lejuar edhe përdorimi i lëndëve kimike neuroparalizuese. Ky vendim hyn në fuqi, ndërkohë që është ngarkuar ministria e Brendshme dhe Garda e Republikës së Shqipërisë për zbatimin e këtij vendimi.

VENDIMI

PËR MIRATIMIN E LLOJEVE TË ARMATIMIT, TË LËNDËVE NEUROPARALIZUESE, TË MJETEVE DHE TË PAJISJEVE TË TJERA KUFIZUESE, PËR PËRDORIMIN E FORCËS NGA GARDA E REPUBLIKËS SË SHQIPËRISË

Në mbështetje të nenit 100 të Kushtetutës dhe të pikës 2, të nenit 62, të ligjit nr.33/2021, “Për Gardën e Republikës së Shqipërisë”, me propozimin e ministrit të Brendshëm, Këshilli i Ministrave

V E N D O S I:

1. Miratimin e llojeve të armatimit, të lëndëve neuroparalizuese (lëndë kimike për kontrollin e turmave), të mjeteve dhe të pajisjeve të tjera kufizuese, për përdorimin e forcës nga Garda e Republikës së Shqipërisë, sipas tekstit të lidhjes nr.1, që i bashkëlidhet këtij vendimi dhe është pjesë përbërëse e tij.

2. Deri në rinovimin e plotë të armatimit, strukturat e Gardës së Republikës së Shqipërisë përdorin armatimin e pajisjet aktuale.

3. Vendimi nr.830, datë 1.12.2003, i Këshillit të Ministrave, “Për pajisjen e punonjësve të Gardës së Republikës së Shqipërisë me armatim dhe mjete teknike të posaçme”, i ndryshuar, shfuqizohet.

4. Ngarkohen Ministria e Brendshme dhe Garda e Republikës së Shqipërisë për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 30/09/2021 23:57

    KY ESHTE NJE NGA VENDIMET ME TE RREZIKSHME DHE ME PASOJA SHUME TE RENDA QE JANE MARRE NDONJEHERE NGA NJE QEVERI SHQIPTARE.DEMOKRACIA DHE TE DREJTAT E NJERIUT ME KETE LIGJ,VENDOSEN NE NJE RREZIK SHUME TE MADH.Megjithese nuk jam kunder gazit lotesjelles ne raste ekstreme,mendoj se nje ligj kaq te rrezikshem nuk e ka patur as Enveri.KINI KUJDES!

    Përgjigju
  • Miçaqi: 30/09/2021 07:00

    Siç duket qeveria shqiptare mendon se armët kimike ndalohen nga konventa e Gjenevës vetëm kur nuk ja fut popullit tënd.

    Përgjigju
  • Lexues: 30/09/2021 06:42

    Po vjen fundi i diktatures...

    Përgjigju
  • Dolfi: 30/09/2021 06:09

    Ju kujtohet protesta kunder armeve kimike? Portestoni tani po jua mbajti, plebenj!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46