POP 5

Lajmet më të lexuara të 5 minutave të fundit

Politikë

Vendimi i Strasburgut, Ministri Manja: 21 janari kapitull i hapur, krim shtetëror që duhet hetuar! Drejtësia të dalë me një përgjigje

Autoritetet e drejtësisë duhet të dalin me një përgjigje të qartë për 21 janairin, thotë Ministri i Drejtësisë, Ulsi Manja. Në një prononcim për mediat., Manja tha se Strasburgu e tha qartë se 21 janari është një krim shtetëror që duhet hetuar.

TIRANË- Pas vendimit të Strasburgut, ministri i Drejtësisë, Ulsi Manja thotë se 21 janari është një kapitull i hapur, për të cilin autoritetet shqiptare të drejtësisë duhet të dalin me një përgjigje të qarë. Në një prononcim për gazetarët, Manja tha se Gjykata Europiane e të Drejtave të Njeriut e ka thënë qartë se 21 janari është një krim shtetëror që duhet hetuar. Manja theksoi se ky vendim i Strasburgut duhet të shërbejë për rihetimin e plotë të 21 janarit.

“Më duhet të them që vendimi i Strasburgut dhe pse i vonuar pas 12 vitesh është një vendim i mirë, konfirmoi qëndrimet tona me 21 janarin, është konsideruar shkelje e nenit 2 të konventës. Autoritetet kanë detyrimin për të respektuar vendimin e Strasburgut. 21 janari kapitull i hapur, duhet të ketë përgjigje të qartë të autoriteteve shqiptare për 21 janarin. Strasburgu ka thënë 21 janari nuk është hetuar në gjithë dimensionin si krim shtetëror”, tha Manja.

Sa i takon Belerit, Manja u tregua i prerë edhe njëherë duke thënë se është çështje e drejtësisë dhe se qeveria nuk do të ndërhyjë. Ministri shtoi se nuk beson se Greqia do të bllokojë rrugëtimin e Shqipërisë në Bashkimin Europian.

"Më duhet të pohoj qëndrimin, Beleri është çështje e drejtësisë. Greqia ka qëllimet e veta, por kjo është një çështje e drejtësisë. Nuk besoj se Greqia do bëhet pengesë për integrimin e Shqipërisë në BE", tha Manja. 

Ministri i Drejtësisë tha se dosja për ekstradimin e Dritan Rexhepit, i arrestuar më 8 nëntor, do t'i kalojë autoriteteve turke. 

Gjykata e Strasburgut në vendimin për Aleks Nikën, thotë se ka dy shkelje në këtë çështje: Vrasja dhe më pas moszbardhja e vrasjes! Në vendimin e kësaj gjykate theksohet se shteti ka përgjegjësi për vrasjen e Aleks Nikës, ndërsa fajtori duhet të dënohet. Në vendimin e kësaj gjykate theksohet se shteti ka përgjegjësi për vrasjen e Aleks Nikës, ndërsa fajtori duhet të dënohet.  Në protestën e 21 Janarit 2011 u ekzekutuan nga garda Ziber Veizi, Hekuran Deda Faik Myrtaj dhe Aleks Nikaj, ndërsa u plagosën edhe 6 protestues të tjerë, që të gjithë të pafajshëm dhe protestues paqësorë.

Rendit zhvillimet sipas orarit:
Ora 10:50
A do ta heqë mazhoranca 'shpërdorimin e detyrës' si vepër penale? Ja si përgjigjet ministri!

1700213991_manja.jpg

Ministri i Drejtësisë, Ulsi Manja deklaroi sot se shpërdorimi i detyrës është parashikuar si vepër penale edhe në draftin e ri të Kodit Penal që pritet të dalë shumë shpejt për konsultim publik.

Deklarata e ministrit të Drejtësisë, Manja u bë pas një takimi me investitorët e huaj në Tiranë.

“Shpërdorimi i detyrës është vepër penale edhe në draftin e Kodit të ri Penal që do të hidhet për konsultim publik, brenda këtij viti. Drafti është punuar nga një grup ekspertësh profesionistë të vendit. Do të marrë kohën e nevojshme për konsultim publik. Do të thithim mendimet e sugjerimet e profesionistëve të fushës dhe grupeve të interesit, gjyqtarëve, prokurorëve, avokatëve, biznesit dhe kujtdo profesionisti të ligjit që do të japë kontribut në përmirësimin e kodit të ri penal”, u shpreh Manja.

Sipas tij, e rëndësishme është që ne të kemi një Kod të ri Penal që vjen në standardet e BE-së, sepse një nga risitë e këtij drafti është edhe reflektimi i 52 direktivave të BE-së në fushën penale.

SI.E./Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Drejtesia: 17/11/2023 12:20

    Shteti ka pergjegjesi. Dje dhe sot. Vrasesit e Aleksit duhet te gjykohen dhe denohen. Perfshire pergjegjes si Sali Berisha, ish kryeminister, dhe Lulzim Basha, ish minister i brendshem, te cilet ndikuan ose edhe urdheruan veprime qe sollen per pasoje vrasjen. Gjithashti, edhe organizatoret e konspiracionit per qellime propogande, sidomos Edi Rama dhe Tom Doshi, njesoj pergjegjes per veprime qe sollen per pasoje zinxhirin e veprimeve te te mesipermve. 'Shteti ka pergjegjesi.

    Përgjigju
  • Ndergjegja: 17/11/2023 10:59

    Manja je nje nga MANJATËT E KRIMIT DHE KORRUPSIONIT NE RADHËT E MAZHORANCES DHE PERGJEGJES PER MBULIMIN E KRIMIT TE VRASJES SE 21 JANARIT.

    Përgjigju
  • Sondazhi i ditës:

    A besoni se do realizohet vota e diasporës për zgjedhjet e ardhshme?

Lajme të tjera



×

Lajmi i fundit

Aksident në autostradën Durrës-Tiranë, autobusi përplaset me bordurën anësore, mbetet i lënduar 56-vjeçari

Aksident në autostradën Durrës-Tiranë, autobusi përplaset me bordurën anësore, mbetet i lënduar 56-vjeçari

3 Maj, 08:51