'Vëre kapuçin more budalla', vajza e biznesmenit që u grabit: Njëri ishte pa maskë, dyshoj se ishin laçjan! Nëse e shoh e identifikoj

Vajza e biznesmenit Nazmi Çangu, Xhelona Çangu në Polici ka dëshmuar se ka arritur që të dallojë një nga grabitësit, pasi ky i fundit nuk ka pasur maskën. Madje ajo tregon edhe një detaj tjetër se grabitësit, me njëri-tjetrin flisnin në kufje dhe se nga dialekti mendon se ishin nga Laçi. Nisur nga kjo, siç raportohet në media, Policia dhe prokuroria i ka kërkuar kompanive celulare që të zbardhë thirrjet telefonike përreth banesës së familjes Çangu ditën që ndodhi ngjarja, çka mund të ndihmojë deri në identifikimin e grabitësve.

“Rreth orës 02:00 dëgjova babin të bërtiste dhe rënkonte, por mendova se ishte sëmurë. Hapa derën dhe aty pashë një person të gjatë, të armatosur, që më tha “pusho”. Ai u fut në dhomë ku ndodhesha me shoqen time e vëllain e mitur. Na mori telefonat dhe i mbante në dorë.

 Ai thirri një tjetër person që ndodhej në katin e dytë. Ai që erdhi ishte i pamaskuar, i veshur me rroba të zeza, trup i shkurtër, i mbushur në fytyrë e me pak bark, me flokë ngjyrë kafe, afërsisht rreth 40 vjeç. Në këtë moment, personi tjetër i maskuar i tha “Vendose kapuçin more budalla”. Njëri prej tyre kishte kufje në vesh dhe komunikonte me personat e tjerë. “Nga komunikimi dukej sikur ishte nga zona e Laçit. Njëri prej tyre mori vëllain dhe e çoi në dhomën tjetër dhe e pyeste për çelësin e kasafortës. Dukej që ata e njihnin mirë familjen time. Ata na thanë “Do marrim borxhin që na ka babai juaj Nazmiu”. Nëse e shoh personin që ishte pa maskë e njoh, madje mund ta kem parë edhe herë tjetër, por nuk mbaj mend se ku” ka thënë Xhelona Çangu.


Lajmi kryesor:

'Vëre kapuçin more budalla', vajza e biznesmenit në Nikël shikoi pa maskë grabitësin: Po ta shoh mund ta identifikoj! Çangu kafshoi grabitësin, la gjurmë gjaku, autorët drejt identifikimit


B.K./Shqiptarja.com
  • Sondazhi i ditës:

    Varianti i ri Omicron dhe dimri, a duhen ashpërsuar masat anti-Covid?



×

Lajmi i fundit

John

Pastruan paratë e mafies, kunati e shoferi i Taçit në burg! 18 mln € e Cosa Nostra, Apeli refuzon lirimin e të dyshuarve