POP 5

Lajmet më të lexuara të 5 minutave të fundit

Politikë

Vettingu, emrat e 60 gjyqtarëve
të parë që do kontrollohen

Vetingu nis nga maja e piramidës së drejtësisë, dorëheqjet e para priten në gjykatat e apelit, shkak pasuritë e pajustifikuara .  VIDEO
Vettingu, emrat e 60 gjyqtarëve<br />të parë që do kontrollohen
Javët dhe muajit e parë të vitit 2017 do të shënjohen nga identifikimi, dokumentimi dhe më pas nga largimi i gjyqtarëve dhe prokurorëve të korruptuar nga sistemi i drejtësisë.

Nuk ka një afat të përcaktuar për nisjen dhe përfundimin e procesit të Vetingut, por ligji ka parashikuar gjyqtarët dhe prokurorët e parë, të cilët do t’i nënshtrohen të parët skanerit të trefishtë për ligjshmërinë e pasurive, lidhjet me botën e krimit dhe aftësitë profesionale.

Pika 4 e nenit 4 të ligjit për rivlerësimin kalimtar të gjyqtarëve dhe prokurorëve, ligj i cili u konfirmuar fillimisht nga Komisioni i Venecias dhe më pas nga Gjykata Kushtetuese, parashikon që, procesi i Vetingut do të nisë me anëtarët e Gjykatës Kushtetuese, anëtarët e Gjykatës së Lartë dhe Prokurorin e Përgjithshëm.

Më pas, në sitën e Vetingut do të kalojnë gjyqtarët e gjykatave të apelit, gjyqtarët e Krimeve të Rënda, prokurorët e Prokurorisë së Krimeve të Rënda dhe krerët e gjykatave dhe prokurorive. Konkretisht, ekspertë nga SHBA dhe BE, në koordinim me anëtarët e Komisionit të Rivlerësimit, do të marrin në dorë dosjet e pasurisë dhe të dhënat për lidhje me krimin, të anëtarëve të Gjykatës Kushtetuese.

Nisur nga hierarkia, Vetingu do të nisë me kryetarin e Gjykatës Kushtetuese, Bashkim Deden, për të vijuar me Vladimir Kriston, Vitore Tushajn, Altina Xhoxhaj, Fatmir Hoxhën, Gani Dizdarin, Besnik Imerajn dhe Fatos Lulon. Pjesë e subjekteve të para që do t’i nënshtrohen Vetingut, do të jetë edhe kryeprokurori Adriatik Llalla. Kreu i organit të akuzës duhet të justifikojë pasurinë me dokumentacion ligjor në të kundërt mund të largohet nga detyra para përfundimit të mandatit.

Gjykata e Lartë
Anëtarët e Gjykatës së Lartë do të jenë gjithashtu prioritet i Komisionit të Rivlerësimit dhe ekspertëve të SHBA-BE. Ndryshe nga anëtarët e Gjykatës Kushtetuese, disa nga anëtarët e Gjykatës së Lartë kanë deklaruar pasuri të “çmendura”, të cilat nuk përputhen me të ardhurat e ligjshme të deklaruara. Disa anëtarë të kësaj gjykata, e cila që nga themelimi i saj nuk ka dënuar qoftë edhe një zyrtar të juridiksionit fillestar, janë identifikuar si njerëzit më të pasur të sistemit të drejtësisë. Në këtë kuadër, kontrolli i ligjshmërisë së pasurive të anëtarëve të Gjykatës së Lartë, mund të prodhojë edhe surprizat e para. Në sitë do të kalojnë Mirela Fana, Arjana Fullani, Tom Ndreca, Evelina Qirjako, Guxim Zenelaj, Andi Çeliku, Edmond Islamaj, Shkëlzen Selimi etj.

Dorëheqjet e para
Dorëheqjet e para në sistemin e drejtësisë priten në gjykatat e apelit për disa arsye. Së pari, gjykatat e apelit janë identifikuar nga ndërkombëtarët si qendra e gravitetit të korrupsionit në gjyqësor. Së dyti, numri më i madh i gjyqtarëve me pasuri të dyshimtë është pjesë e gjykatave të apeli. Si rrjedhojë, gjyqtarët në fjalë janë natyrshëm më të ekspozuar ndaj botës së krimit. Ndërkaq, neni 56 i ligjit të Vetingut parashikon që gjyqtari ose prokurori ka të drejtë të japë dorëheqjen nga detyra jo më vonë se 3 muaj nga hyrja në fuqi e këtij ligji. “Dorëheqja i paraqitet me shkrim Presidentit të Republikës dhe publikohet në faqen zyrtare të internetit të këtij institucioni. Në rastin e dorëheqjes, Komisioni merr vendim për pushimin e procedurës së rivlerësimit. Pas dhënies së dorëheqjes, subjekti i rivlerësimit ka të drejtë të përfitojë pagesë kalimtare”, thuhet në ligj. 
 
Vetingu
Procesi i Vetingut do të nisë me anëtarët e Gjykatës Kushtetuese, anëtarët e Gjykatës së Lartë dhe Prokurorin e Përgjithshëm, për të vijuar me krerët e gjykatave dhe prokurorive në të gjithë vendin.
 
Dorëheqjet
Dorëheqjet më masive në sistemin e drejtësisë priten në gjykatat e apelit për disa arsye. Së pari, gjykatat e apelit janë identifikuar si qendra e gravitetit të korrupsionit në gjyqësor, ndërsa kanë numrin më të madh të gjyqtarëve me pasuri të dyshimtë.
 
Gjyqtarët dhe prokurorët që do të kontrollohen të parët
 
Bashkim Dedja, Gjykata Kushtetuese, kryetar  
Vladimir Kristo, Gjykata Kushtetuese 
Vitore Tusha, anëtare, Gjykata Kushtetuese 
Altina Xhoxhaj, Gjykata Kushtetuese 
Fatmir Hoxha, Gjykata Kushtetuese 
Gani Dizdari, Gjykata Kushtetuese 
Besnik Imeraj, Gjykata Kushtetuese 
Fatos Lulo, Anëtar, Gjykata Kushtetuese 
Xhezair Zaganjori, Gjykata e Lartë, kryetar
Ardian Dvorani, Gjykata e Lartë
Arjana Fullani, Gjykata e Lartë
Evelina Qirjako, Gjykata e Lartë
Guxim Zenelaj, Gjykata e Lartë
Majlinda Andrea, Gjykata e Lartë
Andi Çeliku, Gjykata e Lartë
Aleksandër Muskaj, Gjykata e Lartë
Medi Bici, Gjykata e Lartë
Edmond Islamaj, Gjykata e Lartë
Shkëlzen Selimi, Gjykata e Lartë
Artan Zeneli, Gjykata e Lartë
Admir Thanza, Gjykata e Lartë
Tom Ndreca, Gjykata e Lartë
Artan Broci, Gjykata e Lartë
Mirela Fana, Gjykata e Lartë
Dhurata Haveri, Krimet e Rënda
Nure Dreni, Krimet e Rënda
Gjovalin Përnoca, Krimet e Rënda
Saida Dollani, Krimet e Rënda
Dhimitër Lara, Krimet e Rënda
Fehmi Petku, Krimet e Rënda
Sokol Binaj, Krimet e Rënda
Amarildo Laçi, Krimet e Rënda
Bardhyl Dhama, Krimet e Rënda
Ardit Mustafaj, Krimet e Rënda
Sandër Simoni, Krimet e Rënda
Gurali Brahimllari, Krimet e Rënda
Albana Boksi, Krimet e Rënda
Luan Hasneziri, Krimet e Rënda
Flora Hajredinaj, Krimet e Rënda
Metush Saraçi, Apeli
Entela Prifti, Apeli
Shkëlqim Miri, Apeli
Astrit Kalaja, Apeli
Agim Bendo, Apeli
Fuat Vjerdha, Apeli
Petrit Çeno, Apeli
Petraq Dhimitri, Apeli
Vasil Hanxhari, Apeli
Astrit Haxhialushi, Apeli
Valdete Hoxha, Apeli 

Prokurorët
Adriatik Llalla, Prokuror i Përgjithshëm
Petrit Fusha, kreu i Prokurorisë së Tiranës
Besim Hajdarmataj, kreu i Prokurorisë për Krimet të Rënda
Artan Bajrami, kreu i Prokurorisë së Apelit për Krimet të Rënda
Dritan Peka, kreu i Prokurorisë së Apelit Tiranë 
Ferdinand Elezi, kreu i Prokurorisë së Apelit Durrës
Altin Binaj, kreu i Prokurorisë së Apelit Vlorë 
Elvin Gokaj, kreu i Prokurorisë së Apelit Shkodër
Irma Balli, kreu i Prokurorisë së Apelit Korçë
Alfred Agolli, kreu i Prokurorisë së Apelit Gjirokastër 

Redaksia Online
XH.K/Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51