POP 5

Lajmet më të lexuara të 5 minutave të fundit

Kronikë

Vettingu në polici sërish me vonesa, burime nga AMP: Institucionet vonojnë përgjigjet! 36 drejtues të tjerë futen në 'sitë'

36 emra të tjerë drejtuesish të policisë i janë shtuar listës për të kaluar në vetting, ndërkohë që po procesi po vonon edhe pas kalimit të kompetencës tek Agjencia e Mbikëqyrjes policore. Burime nga ky institucion thanë për Report Tv se institucionet po vonojnë përgjigjet e kërkuara për pasurinë dhe informacione të tjera të nevojshme për vettingun.

Agjencia e Mbikëqyrjes Policore ka dhënë vetëm 1 vendim pas rinisjes së vetting-ut në radhët e Policisë së Shtetit, pasi procesi po ndesh në vështirësi si pasojë e moskthimit të përgjigjeve nga institucionet. AMP ka hedhur shortin e dytë për 36 emrat vijues, të cilët do të kalojnë në filtrin e 3 kritereve, pasuri, pastërti figure dhe aftësi profesionale, ndërkohë që nuk ka vendimmarrje për listën e parë të emrave të përzgjedhur. Zyrtarët e radhës që do të votohen janë sërish drejtorë dhe zv/drejtorë policie, të cilët kanë plotësuar formularët e vetëdeklarimit sipas rregullave dhe kushteve të miratuara me ndryshimet ligjore që ia kaluan vettingun Agjencisë së Mbikëqyrjes Policore.

Në listë gjenden emra të njohur si ai i rektorit të Akademisë së Sigurisë, Ilirjan Mandro apo drejtori i Institutit të Policisë Shkecore, Niko Brahimaj, më herët drejtues në disa qarqe, së fundmi në Shkodër. Lista vijon me Oltion Bistrin, drejtuesin e Forcës së Posaçme Operacionale, i cili më herët ka drejtuar qarqet Lezhë apo Durrës. Në tërësi, pjesa tjetër e listës së dytë prej 36 emrash janë zv/drejtorë qarqesh, të ndarë sipas kategorive të krimit dhe rendit e sigurisë. Procesi i vetting-ut që tashmë po bëhet nga AMP ka dhënë vetëm një vendim, largimin nga detyra të drejtorit të Policisë së Lezhës Vehbi Bushati, i cili nuk plotësoi formularët vetëdeklarimit me rregullat e reja. Ai u mjaftua vetëm me dokumentet e plotësuara në vitin 2018 kur vetting-un e kryente Komisioni i Jashtëm i Vlerësimit, por gjithsesi mbeti në punë pasi u emërua këshilltar në drejtorinë e përgjithshme të policisë.

Burime nga AMP bëjnë me dije se edhe me këtë rikthim të procesit, administrata e vetting-ut sërish po ndesh vështirësi në marrjen e përgjigjeve nga institucionet ku është kërkuar informacion i detajuar për efektivat. Të njëjtat burime thonë se institucionet neglizhojnë kthimin e përgjigjeve që kanë të bëjnë me pasurinë e zyrtarëve policorë, por edhe me informacione të tjera. Kjo ka qenë një nga arsyet kryesore që detyroi Ministrinë e Brendshme që të kërkoj pezullimin e vetting-ut nga Komisioni i Jashtëm i Vlerësimit, për ta kaluar tek AMP dhe duke kufizuar kalimin në filtër vetëm tek niveli drejtues.

Kryeministri Edi Rama, pasi ka dalë nga Kuvendi i Kosovës, ku zhvilloi takimin me kryeparlamentarin Glauk Konjufca. Rama iu shmang pyetjeve të gazetarëve, duke thënë se nuk ka homologun e tij dhe se nuk bën dot konferencë.

LISTE E DYTË ME 36 EMRA
Ilirjan Mandro - Rektor i Akademisë së Sigurisë
Besnik Bakiu - Drejtor i Planifikimit Policor
Gentjan Shehaj - Drejtor i Kurrikulave AS
Mithat Tola - Drejtor i Kolegjit Profesional AS
Niko Brahimaj - Drejtor i Institutit të Policisë Shkecore
Xhavit Shala - Drejtor i Qendrës së Kërkimëve AS
Lorenc Shehu - Drejtor i Qendrës së Mbyllur të Huajve
Oltion Bistri - Drejtor i Forcës së Posaçme Operacionale
Afrim Tafa - Zëvendësdrejtor, Shkodër
Alfred Nomani - Zëvendësdrejtor, Lezhë
Alfred Elezi - Zëvendësdrejtor, Lezhë
Ardrit Elmazi - Zëvendësdrejtor, Korçë
Artur Selimaj - Zëvendësdrejtor, Fier
Artur Shira - Zëvendësdrejtor, Fier
Besnik Kongjonaj - Zëvendësdrejtor, Elbasan
Dritan Malaj - Zëvendësdrejtor, Dibër
Arben Alika - Zëvendësdrejtor, Gjirokastër
Lorenc Meta - Zëvendësdrejtor, Elbasan
Luan Mema - Zëvendësdrejtor, Berat
Sokol Cana - Zëvendësdrejtor, Kukës
Alket Shatro - Zëvendësdrejtor, Tiranë
Armir Gjikolaj - Zëvendësdrejtor, Durrës
Elton Alushi - Zëvendësdrejtor, Vlorë
Ndriçim Koka - Zëvendësdrejtor, Dibër
Shkëlqim Xhezairaj - Zëvendësdrejtor, Berat
Bujar Deliallisi - Zëvendësdrejtor, Durrës
Koço Dafa - Zëvendësdrejtor, Gjirokastër
Kujtim Gjoka - Zëvendësdrejtor, Kukës
Gazment Shehu - Zëvendësdrejtor, Vlorë
Bedri Hasanaj - Zëvendësdrejtor, Korçë
Elidon Shehu - Drejtor në Gardën e Republikës
Sami Kuti - Drejtor në Gardën e Republikës
Ilir Sula - Drejtor i AMP Shkodër-Lezhë
Petrit Veizi - Drejtor i AMP Durrës-Kavajë
Vilson Dine - Drejtor i AMP Vlorë-Gjirokastër
Ferit Hasa - Drejtor i AMP Kukës Dibër

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polo: 06/07/2023 22:50

    Mos harxhoni letrat e shtetit kot sa për sy e faqe! Përjashto nja 5-6 të tjerët nuk e meritojnë emrin polic! Po ata 9 drejtuesit që çuan radhën e parë çantat me para kështu do të veprojnë edhe herën e dytë?!

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Fjalimi i zgjatur i Metës, një grup delegatësh të rinj nuk durojnë më dhe largohen nga salla

Fjalimi i zgjatur i Metës, një grup delegatësh të rinj nuk durojnë më dhe largohen nga salla

27 Prill, 12:22