POP 5

Lajmet më të lexuara të 5 minutave të fundit

Sociale

Vëzhgimi i “A1 Report”, tekstet
skandaloze vetëm në 2 shkolla

Librat shkollorë për arsimin 9-vjeçar që përmbajnë tekste që nxisin dhunë edhe urrejtje tek nxënësit, nuk gjenden në të gjithë shkollat e Tiranës. VIDEO
Skandal me tekstet shkollore, ja si edukohen fëmijët shqiptarë
TIRANE- Librat shkollorë për arsimin 9-vjeçar që përmbajnë tekste që nxisin dhunë edhe urrejtje tek nxënësit, nuk gjenden në të gjithë shkollat e Tiranës.
 
Një nga librat problematikë është edhe Gjuhë-Leximi i klasës së dytë i shtëpisë botuese "Morava". Ky libër është porositur vetëm nga dy shkolla në Tiranë, nga 64 ne total.
 
Sipas Drejtorisë Arsimore Rajonale të Tiranës, Gjuhë-Leximi i kësaj shtëpie botuese është shpërndarë në 223 kopje.
 
120 kopje janë zgjedhur nga mësuesit e shkollës 9-vjeçare “Pjetër Budi”, ndërsa 103 kopjet e tjera nga shkolla 9-vjeçare “7 Marsi”.
 
Prej disa ditësh në rrjetet sociale qarkullojë foto me pjesë të teksteve shkollore, që nxënësit shqiptarë janë të detyruar të mësojnë. Një nga tekstet i mëson fëmijës sesi të shmangë orët e mësimit duke u shtirur si i sëmur pas pirjes së shkumësit të tretur në ujë për rritjen e temperaturës.
 
Çdo vit në shkolla ngrihet një grup mësuesish për të përzgjedhur librat shkollorë nga një katalog që publikon Ministria e Arsimit me listën e plotë të teksteve mësimore. Bashkë me listën, mësuesit njihen edhe me kriteret përzgjedhëse.
 
Ndër pikat kryesore që duhet të përmbajë libri janë si më poshtë:
 
-Gjuha e përdorur, sasia e njohurive, shkalla e vështirësisë duhet të jenë të përshtatshme me moshën e nxënësit
 
- Përmbajtja e teksteve duhet t’i edukojë nxënësit ndjeshmërinë për barazinë ndaj gjinive, racave, feve, kombësive dhe pakicave.
 
Por siç duket nga tekstet mësuesit nuk i kanë respektuar këto kritere.
 
Nëse i referohemi klasave të dyta, këtë vit në total kanë qenë 71 tekste alternative. Nga këto, Gjuhë-Leximi nga pesë shtëpi botuese, ndërsa lënda e Matematikës ka pasur 8 tekste alternative.
 
Pas denoncimit kolektiv në rrjetet sociale, një ditë më parë Ministria e Arsimit Lindita Nikolla deklaroi se do të marrë masa deri në heqjen e tyre nga qarkullimi.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59