ANGLI - Chelsea është finalisti i dytë i FA Cup, pasi të dielën triumfoi minimalisht 1-0 kundër Leeds United në gjysmëfinalen e luajtur në 'Wembley' të Londrës.

Ndeshja nisi më mirë për Leeds, që rrezikoi i pari me Brenden Aaronson, por portieri Robert Sanchez reagoi në mënyrë vendimtare për të mbajtur portën të paprekur. Momenti vendimtar i ndeshjes erdhi në minutën e 23-të, kur Enzo Fernandez realizoi me kokë nga pranë portës pas asistimit të Pedro Neto, duke i dhënë avantazhin 'Bluve'.

Në pjesën e dytë Leeds provoi të reagonte duke kërcënuar me Anton Stach, por sërish Sanchez ishte në formë të shkëlqyer për të ndalur tentativat kundërshtare. Në vijim, Chelsea administroi avantazhin duke u fokusuar në mbrojtje dhe duke ruajtur rezultatin deri në fund për të siguruar biletën për në finale, edhe pse disa ditë më parë shkarkuan trajnerin Liam Rosenior dhe nuk e kanë ende një teknik kryesor.

Në aktin final Chelsea do të përballet me Manchester Cityn më 16 maj në mitikun 'Wembley'. City eliminoi Southamptonin duke e përmbysur 2-1.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Prill, 21:24

    A duhet që seancat në GJKKO të transmetohen live për publikun?

Lajme të tjera