Kryebashkiaku i Tiranës Erion Veliaj ka inspektuar sot punimet për ndërtimin e rrjetit të ri të kanalizimeve në rrugën “Mihal Grameno”.
 
Ndryshe nga herët e tjera ai gjatë këtij inspektimi ka marrë fjalë të mira jo vetëm të qytetarët e thjeshtë por edhe të kundërshtarëve politikë.
 
Veliaj u takua me ish-deputeten demokrate, Lajla Përnaska e cila është edhe e dërguar e PD-së për organizimin e strukturave partiake në Njësinë Administrative Nr.2 në kryeqytet.
 
Pavarësisht se Përnaska vjen nga një forcë politike kundërshtare nuk ka nguruar që të vlerësojë me nota pozitive punën që po bëhet në Tiranë, duke theksuar se ajo i shërben çdo qytetari të kryeqytetit qoftë ky demokrat apo socialist.