Greta Koçi nuk ka ndërmend të ndalet me rikthimet e bujshme. Ky sezon veror mendohet të jetë shumë aktiv për këngëtaren që sapo ka lançuar projektin më të ri me titull "A ja vlejti". Një bashkëpunim me producentin Nurteel, që premton të jetë hit i muajve të verës.
Veç ritmit të këngës, ajo që nuk mund t'i shpëtonte syrit tonë është Greta dhe forma e shkëlqyer fizike me të cilën është prezantuar në klip. Duhet thënë se këngëtarja është në formën e saj ideale, si fizikisht, ashtu edhe artistikisht.