VIDEO/ Interi tripletë 'kushërinjve' të Milanit, Superkupa e Italisë mbetet zikaltër! Asllani merr minuta

Trajneri i Milan, Stefano Pioli komentoni për Mediaset humbjen e të tijve në finalen e Superkupës kundër Interit 3-0.

“Luajtëm një pjesë të parë që nuk ishte e duhura për një ndeshje si kjo, duke bërë shumë gabime. Më pas u bë një ndeshje e komplikuar. Ne u përpoqëm ta rihapim atë me një fillim të mirë të pjesës së dytë, por në përgjithësi bëmë shumë pak.

Si i shpjegoni gabimet e disa prej lojtarëve tuaj kyç? Ne nuk jemi mësuar të komentojmë këto gabime, veçanërisht nëse i bëjmë kundër kundërshtarëve që ju ndëshkojnë. Ne nuk po jetojmë momentin tonë më të mirë, duhet të bëjmë më shumë", tha Pioli.

Kristjan Asllani u fut në fushë në minutën e 84 në vend të Calhanoglu, në finalen e Superkupës së Italisë, aty ku Inter fitoi 3-0 me Milanin. Mesfushori shqiptar ka bërë një veprim që po përmendet shumë në mediet tej Adriatikut. Në fundin e ndeshjes, Asllani ka marrë një pasim dhe me një veprim plot fantazi ka nxjerrë bllof Theo Hernendez, duke treguar klasin e tij.

Pas sukseseve në Superkupën e Italisë në krye të Lazios në vitet 2017 dhe 2019, Simone Inzaghi e përsërit dy herët edhe me Interin. Është Superkupa e tij e katërt e Italisë, e dyta radhazi pas asaj që fitoi kundër Juventusit një vit më parë.

"Djemtë ishin shumë mirë për të luajtur një ndeshje perfekte. Të kthjellët dhe kompakt, sonte ne po e shijojmë këtë trofe dhe duke filluar nga nesër do të mendojmë për kampionatin. Të fitosh në një ndeshje si kjo kundër Milanit në një finale është e mrekullueshme", tha Inzaghi.

Inter fitoi 3-0 me Milanin në finalen e Superkupës së Italisë. Tej trofeut, pas golit të parë nga Dimarco një veprim i çuditshëm i arbitrit u pa në transmetim. Gjyqtari i katërt mori topin dhe e vendosi në një kuti xhami. Nuk dihet nëse topi me të cilin u shënua goli i parë do dalë në ankand apo do qëndrojë aty deri në finalen e vitit që vjen.