LONDËR - Në 'Wembleyn' e mbushur me 82 mijë tifozë, Crystal Palace "rrëmbeu" trofeun e Superkupës së Anglisë. Fituesja e FA Cup edicionin e kaluar, surprizoi kampionët e kampionatit për ta nisur sezonin e ri me trofe.

Liverpooli e nisi fuqishëm ndeshjen dhe kaloi në epërsi që në minutën e 4-t me golin e Hugo Ekitike. Palace reagoi shpejt, duke fituar një penallti në minutën e 17-të pas faullit të Virgil Van Dijk. Jean-Philippe Mateta u tregua i saktë nga pika e bardhë për barazimin 1-1.

Vetëm katër minuta më pas, Jeremie Frimpong u fut në listën e shënuesve për 'Të Kuqtë' me një goditje të devijuar, duke e çuar rezultatin në 2-1. Në pjesën e dytë, Ekitike humbi një mundësi të artë për të vulosur ndeshjen, ndërsa në minutën e 77-të Ismaila Sarr shënoi golin e barazimit për Crystal Palace.

Pas 90 minutash, rezultati mbeti 2-2 dhe gjithçka u vendos nga penalltitë, ku Palace triumfoi 3-2, duke fituar kështu trofeun e parë të sezonit. Salah, Mac Allister dhe Elliott gabuan penalltitë te Liverpool.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera