Milani nuk ia ka dalë të mposhtë Interin për derbin e tretë radhazi. Këtë të diel në "San Siro" kuqezinjtë barazuan 1-1 kundër "kushërinjve" zikaltër në një ndeshje që Interin e pa të ngecte te shtylla tre herë. Ky ishte derbi numër 242 mes tyre.

Duhej një gol i Tijjani Reijnders në minutën e 45-të që pjesa e parë të mbyllej në epërsinë e kuqezinjve. Në fraksionin e dytë Interi pa përpara dhe goditi tre herë shtyllën, para se goli i barazimit të shënohej nga de Vrij në minutën e tretë shtesë.

Spektakël në "San Siro" dhe shumë emocione në një ndeshje kornizë të elitës së futbollit në Itali. Simone Inzaghi në këtë përballje nuk i dha asnjë minutë Kristjan Asllanit.

Me 35 pikë Milani mbetet në vendin e tetë, ndërsa Interi me 51 pikë qëndron në pozitën e dytë të Serie A, dy pikë pas Napolit kryesues.


Lajmi kryesor:

GOLAT/ Milan dhe Inter barazojnë 1-1 në derbi, Juventusi kalon Empolin! Roma ndal Napolin në Serie A
S.Dh/Shqiptarja.com
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera