Granada po fiton 4-0 me Gijon për javën e 10 në La Liga 2 në Spanjë. Me fillim nga 21:00, protagonist në këtë duel ka qenë Myrto Uzuni. Dopietë dhe asist nga sulmuesi i Kombëtares, që shënon gol me stilin "Van Persie" dhe realizon me një gjysmë roveshatë.

Si fillim beratasi ka asistuar bukur për shokun e skuadrës, me Puertas që ka kaluar në avantazh vendasit. Krosimi nga e djathta ka bërë që topi të përfundojë te Uzuni, me 26 vjeçarin që pas kontrollit ka krosuar nga jashtë zone.

Pasimi final është kapur bukur në ajër nga Puertas, që ka ndëshkuar Marinon pas vetëm gjashtë minutash lojë. 21 minuta pas asistit, Uzuni ka dërguar edhe topin në rrjetë. Pasimi nga 20 metra është nuhatur bukur nga Uzuni, që e ka ndalur topin në rrjetë me kokë.

Në minutën e 50, Uzuni ka realizuar golin më të bukur të ndeshjes. Nga brenda zone me gjysmë roveshatë, beratasi gjen dopietën. Granada me 17 pikë është ndër skuadrat pretendente që kërkojnë rikthimin në La Liga. Kujtojmë se Uzuni këtë sezon në Spanjë ka shënuar tetë gola dhe ka dhënë një asist në nëntë javë.

Golat dhe asisti i Uzuni-t:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera