Cagliari fitoi 0-1 me Barin në transfertë dhe siguroi kështu një vend në Serinë A të futbollit italian për edicionin e ri. Me ndeshjen e parë që në Sardenja përfundoi 1-1, do duhej dueli i kthimit që të vendoste skuadrën e tretë që do jetë pjesë e elitës së Italisë në futboll.

Asgjë nuk ka qenë e lehtë për djemtë e Claudio Ranierit, që iu falën golit të Pavolettit në fundin e ndeshjes, konkretisht në të 90+4 minutë. Asisti i Zappas u shfrytëzua mirë nga sulmuesi, që dërgoi në festë të tijtë.

Pas fërshëllimës së arbitrit Marco Guida, nga play-off Cagliari mori biletën e mbetur për në Serie A. Fundi ka sjellë lot trishtimi dhe gëzimi, me trajnerin Claudio Ranieri që në moshën 71-vjeçare siguroi ngjitjen në Serie A. Tekniku veteran do jetë sërish pjesë e elitës në Itali, teksa pas ndeshjes ka qarë si fëmijë. Me Cagliarin që siguroi ngjitjen dhe Veronën që mundi Spezian, kompletohet edhe numri i skuadrave italiane që do jenë pjesë e Serie A në sezonin e ri.

20 skuadrat e Serie A për sezonin e ri: Atalanta, Bologna, Cagliari, Empoli, Fiorentina, Frosinone, Genoa, Inter, Juventus, Lazio, Leçe, Milan, Monza, Napoli, Roma, Salernitana, Sassuolo, Torino, Udinese, Verona.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Artani: 12/06/2023 11:37

    Pse nuk e kompletoni shkrimin? E mori Calerin me 23 dhjetor 2022 në vendin e 14 të klasifikimit dhe e ngjiti në Serinë A Ndërkohë mosmirënjohësit apo më mirë ata që e prenë në besë,Leicesteri,që ky i shpalli kampionë të Anglisë,ranë në ligën e dytë Respekt për këtë trainer dhe njeri të madh.

    Përgjigju
  • Sondazhi i ditës: 7 Janar, 22:17

    Si po e menaxhon qeveria situatën e përmbytjeve?

Lajme të tjera