Futbolli në tërësi dhe ai në Spanjë në veçanti janë trazuar ditët e fundit, kjo pas "puthjes fatale" të kreut të Federatës së Futbollit Spanjoll, Luis Rubiales, me futbollisten e kombëtares, Jennifer Hermoso. Në ndarjen e medaljeve dhe trofeut për kampionet e Spanjës në Botërorin e femrave, dyshja dhuroi shfaqje, që ka trazuar qeverinë spanjolle, FIFA-n dhe ka shkaktuar protesta të shumta.

Vetë protagonistja nuk është shprehur për këtë çështje, teksa në një video pas suksesit duket jo shumë e shqetësuar për atë që kishte ndodhur. Megjithëse ditë më vonë gjesti jo i hijshëm i Rubiales shkaktoi "tërmet" për të, kjo pas pezullimit nga FIFA me 90 ditë dhe nisjes së një hetimi nga Prokuroria për "sulm seksual", Jennifer Hermoso është parë e lumtur që puthja u krahasua me atë të Casillas dhe Sara Carbonero, vite më parë në kombëtaren spanjolle të meshkujve.

Fill pas suksesit në Botëror, Spanja mori rrugën e kthimit në vendlindje. Në videon e publikuar duket qartë se Hermoso nuk e ka problem puthjen në buzë me kreun e Federatës, teksa i "mburret" shoqeve të ekipit që është krahasuar me atë të Carbonero - Casillas.

Me celular në dorë, ku duket fotoja e puthjes me Rubiales, futbollistja iu thotë shoqeve të kombëtares se po e krahasojnë me puthjen e Iker Casillas dhe Sara Carbonero, pas fitimit të Botërorit 2014, “live” në një konferencë shtypi.

E thënë ndryshe, e konstaton me mburrje këtë paralelizëm të mediave dhe rrjeteve sociale, mjaft e qeshur. Se çfarë ndodhi më pas, që futbollistja Hermoso e “ndërrkoi pllakën”, kjo mbetet enigmë. Pikërisht këtë gjë i kërkon edhe nëna e Rubiales nga greva e urisë, të thotë të vërtetën e puthjes, e cila duket se ishte e pranuar me sportivitet nga të dyja palët në “të nxehtë”. Më pas ndodhi “tërmeti”, që kryqëzoi presidentin e futbollit spanjoll.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera