VIDEO/ Shënohet goli më i bukur i sezonit në Superligë, Teuta dhe Bylis paqe mes 4 golash

Superliga shqiptare e futbollit nisi këtë të shtunë javën e 29-të. Në stadiumin "Adush Muça" në Ballsh, Bylisi dhe Teuta barazuan 2-2 në një ndeshje të luftuar, me katër gola, raste, përmbysje dhe kartona. Përballja u hap në minutën e 21 nga Joalisson Santos, me vendasit që morën epërsinë. Në minutën e 37 të ndeshjes, Lorenco Vila shënoi golin e barazimit, me pjesën e parë që u mbyll 1-1.

Pjesa e dytë solli dy gola të tjerë. Kanë qenë sërish miqtë që me Lorenco Vilën përmbysën ndeshjen në minutën e 59, teksa në të 72 sërish Santos shënoi për 2-2. Goli i brazilianit me roveshatë është ndoshta më i bukuri i këtij sezoni në Superligë, me skuadrat që ndajnë kështu pikët.

Pas 29 ndeshjeve, Teuta me 35 pikë mban vendin e shtatë duke spostuar Kukësin në zonën play-off. Djemtë e Martinit kanë tre ndeshje pa fitore. Nga ana tjetër, Bylis për ndeshjen e gjashtë nuk ia del të fitojë, duke mbetur në kuotën e 30 pikëve në vendin e parafundit. Sot në 18:00 luhet Erzeni - Kastrioti.

S.DH/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet