POP 5

Lajmet më të lexuara të 5 minutave të fundit

Bota

VIDEO/ 'Shqiptar i mirë është shqiptari i vdekur', maqedonasit thirrje raciste para syve të Ivanov

Ashtu sikur vitet e shkuara, edhe këtë vit përkujtimi i “Meçkin Kamen” në Krushevë, nuk kaloi pa incidente dhe thirrjet “Shqiptari i mirë, shqiptar i vdekur”. Presidenca s'distancohet nga thirrjet, reagon Qeveria: Dënojmë thirrjet për dhunë.

Përkujtimi i kryengritjes së Ilindentit në Krushevë është shoqëruar me thirrje ofenduese ndaj shqiptarëve. Ashtu sikur vitet e shkuara, edhe këtë vit përkujtimi i “Meçkin Kamen” në Krushevë, nuk kaloi pa incidente nacionaliste dhe thirrjet “Shqiptari i mirë, shqiptar i vdekur”.

Thirrjet u bënë në momentin që përfaqësues qeveritar vendosën kurora me lule pranë përmendore së kryengritësve të Ilindenit. Thirrjet anti-shqiptare ndodhën përpara syve të presidentit Gjorgje Ivanov.

Ivanov doli para qytetarëve me një fjalim të ashpër kundër pushtetit. Ai kundërshtoi ashpër marrëveshjen me Greqinë për çështjen e emrit, e cila sipas Ivanovit, e ridefinon shtetin dhe e nënshtron atë ndaj Greqisë si dhe e fshin identitetin dhe historinë maqedonase. 

Të nderuar bashkëqytetarë, treguesi më i madh për vlerat e një populli është konsensusi rreth asaj që nuk është në shitje. Emrin e kemi të madh. Do të duan të na marrin, parashikoi Bllazhe Koneski. A me Marrëveshjen e dëmshme greke, ne vetë vullnetarisht do ta japim emrin?! Çështja e emrit dhe identitetit është më e vjetër se secila Kushtetutë, se secila Qeveri, se secili President. Madje është më e vjetër se shteti. Asnjë individ, nga asnjë gjeneratë nuk ka të drejtë të bëjë tregti me këtë emër dhe me këtë identitet. 

Gjorge Ivanov, president i Maqedonisë

Presidenca nuk distancohet, Qeveria: Hetim thirrjeve për urrejtje!
Ndonëse Presidenca e Maqedonisë as nuk u distancua nga thirrjet, e jo më t'i dënonte, një gjë të tillë e bëri Qeveria. Ekzekutivi i Zoran Zaev i dënoi thirrjet e manifestuara raciste në ditën e shënimit të 2 gushtit.

Qeveria e Republikës së Maqedonisë i dënon thirrjet për urrejtje dhe dhunë, që janë në kundërshtim me interesat e qytetarëve të Republikës së Maqedonisë dhe u bën thirrje institucioneve kompetente t’i hetojnë këto dukuri dhe të marrin masa adekuate. Ilindeni është ditë për bashkim dhe jo ndarje. 

Thuhet në komunikatën e Qeverisë

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 29/12/2018 17:41

    Sigurisht që i duan të vdekur shqiptarët sepse vetëm keshtu duke mos patur më shqiptarë mund të rrinë perfundimisht të qetë në sensin se vetëm atëhere mund ti thonë botës se kanë qënë aty ku janë sot... Sa të ketë shqiptarë gjallë, greko-osmano-sllavët do të rrinë gjithnjë pas, pas dhe vetëm mbrapa këtyre të fundit. Me pak fjalë këta të hanë mu tin!.

    Përgjigju
  • XXX: 03/08/2018 14:24

    Kan shum te drejt gjithkush qe na ofendon e na perbuz ne kur s dojm njeni tjetrin s mund t presim qe te na dojn te tjeret..politika asht ma se fajtore per te gjitha poshtersinat qe i bahen shqiptarve..

    Përgjigju
  • gjysmasku: 02/08/2018 19:57

    A sa u merzita me keto fjale :( Aq shume u merzita sa mu prish komplet terezia.. :( As sa po pertoj te shkruaj me po e mbyll me kaq? Kush e tha kete?

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30