Riad, Arabia Saudite - "SuperMario", kjo do ishte nofka perfekte për Mario Mitajn, mbrojtësin e Kombëtares që shkëlqeu sërish në Arabinë Saudite edhe pse në fushë kishte emra si Cristiano Ronaldo, Karim Benzema, Sadio Mane, N'Golo Kante, Joao Felix apo Kingsley Coman.

Al Ittihad fitoi 1-2 kundër Al Nassr në 1/8 e Kupës së Mbretit, në një ndeshje që e largoi sërish Cristiano Ronaldon nga trofeu, si një tjetër 'mallkim' në aventurën e tij arabe.

Përballja mes 25 mijë spektatorëve nisi e vrullshme dhe miqtë e Al Ittihad kaluan në epërsi pas 15 minutave lojë me Karim Benzema. Në minutën e 30-të Angelo vendosi ekuilibrat momentalë, por fundi i fraksionit të parë kishte rezervuar surpriza.

Mario Mitaj, mbrojtësi i Kombëtares, dhuroi një pasim fantastik për Aouar dhe ky i fundit nuk gaboi duke shënuar golin që i dha të drejtën Al Ittihad të kalonte më tej. Një paraqitje monumentale për Mario Mitaj, që ishte "Njeriu i Ndeshjes" dhe "SofaScore" e vlerësoi me notën më të lartë, 8,4.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera