Anis Mehmeti ka vijuar ecurinë e tij pozitive në futbollin anglez duke shënuar një tjetër gol për skuadrën e Bristol City.

Ky realizim erdhi në ndeshjen e vlefshme për FA Cup, ku sulmuesi shqiptar dyfishoi shifrat në përballjen kundër Watford, të fituar 5-1 nga të tijtë. Goli u shënua në minutën e 37-të të takimit, duke konfirmuar formën e mirë të lojtarit në këtë fillimviti.

Ky është goli i dytë për Mehmetin brenda dhjetë ditëve të para të janarit, pas atij të shënuar në kampionat më 1 janar. Megjithëse vlerësohet si një prej lojtarëve shqiptarë me performancën më konstante në dy sezonet e fundit, ai nuk është grumbulluar me ekipin Kombëtar që prej vitit 2023.

Aktualisht, 25-vjeçari mbetet një pikë referimi në repartin ofensiv të klubit të tij në Championship. Nëntë gola ka shënuar këtë sezon Mehmeti me fanellën e Bristol.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si po e menaxhon qeveria situatën e përmbytjeve?

Lajme të tjera