Video/ Tiranë, kokainë në lokale 
policia aksion natën, 8 në pranga

TIRANË - Kushdo që frekuenton jetën e natës në klube të ndryshme në kryeqytet nuk duhet të habitet nëse në mes të argëtimit e muzikës së lartë të shohë efektivët e policisë. Blutë e kryeqytetit kanë intensifikuar kontrollohet në makina e lokale të njohura si problematike në Tiranë. Në aksionin më të fundit mbrëmjen e së dielës 8 persona u arrestuan dhe 41 të tjerë u shoqëruan në komisariat për verifikime. Ata akuzohen për prodhim dhe shitje të lëndëve narkotike, përshtatjes së ambienteve të lokalit për përdorim droge dhe mbajtje e armëve të ftohta.
 
Alfred Ndoja, Ervin Cara, Maksim Beça, Marjol Guri dhe Artur Zhuleku u arrestuan pasi u kapën në ambientet e lokalit “Cub-i” në rrugën “5 Maji” duke konsumuar lëndë narkotike kokainë. Një nga dhomat e këtij lokali që shërbente për personelin ishte vënë në dispozicion të përdoruesve të drogës, nga tre bashkëpronarët Ndoja, Cara dhe Beça. Policia sekuestroi 1.8 gramë kokainë dhe 5 telefona celularë.
 
Në një tjetër aksion policia arrestoi në flagrancë dy të rinjtë Klajd Mullaxhia dhe Ervis Xhakolli në rrugën “Dritan Hoxha” (Laprakë) pasi gjatë kontrollit në makinë ju gjetën dy qese kanabis.
 
Ndërkohë 21-vjeçari Xhulion Qesja nga Kruja, u arrestua në Bulevardin “Zogu i I-rë” pasi gjatë kontrollit në makinën e tij, ju gjet një përforcues grushti (dorezë) si dhe një thikë me hapje me gjatësi të përgjithshme 20.5 cm.

Të arrestuarit
Klajd Mullaxhia, 29 vjeç  lindur në Tiranë, banues në Tiranë
Ervis Xhakolli, , 28 vjeç lindur në Skrapar, banues ne Tirane
Alfred Ndoj, 36 vjeç, lindur në Mirditë dhe banues në Tiranë
Ervin Cara, lindur në Mirditë dhe banues në Tiranë
Maksim Beça, 25 vjeç lindur në Dibër dhe banues në Tiranë
Marjol Guri, 26 vjeç lindur në Pogradec dhe banues në Tiranë
Artur Zhuleku, 39 vjeç, lindur në Cërrik dhe banues në Tiranë, i dënuar më parë për veprën penale “Prodhimit dhe shitjes të lëndëve Narkotike”

Kontrollet nga policia ne lokale nate





Shoqerimi ne komisariat i te arrestuarve











Videot sensibilizuese te policise ne lokalet e nates


Redaksia Online
(Gre.M/Shqiptarja.com)