Një mësues në një qendër universitare mjekësore në Hong Kong duke u merakosur për shtimin e nxënësve që pinin duhan ka realizuar një video ku tregohet se sa i rrezikshëm është ky ves.

(në foto mushkëria e dëmtuar nga duhani)


Në video tregohen dy palë mushkëri të lidhura me nga një pompë ajri, duke të krijuar idenë se janë duke marrë frymë. Në fillim të eksperimentit të dyja mushkëritë janë të shëndetshme, por njëra prej tyre lejohet të “marrë frymë” në ajër të pastër, ndërsa tjetra “pi” 60 cigare.
 
Në fund të eksperimentin në video krahasohen 2 mushkëritë.

Është mëse e dukshme me sy të lirë që mushkëria e ekspozuar në tymin e duhanit ka ndryshuar ngjyrë. E kundërta ka ndodhur me mushkërinë tjetër e cila vijon të ketë ngjyrën rozë të shëndetshme. Në video tregohet laringu që mushkëria që nuk u ekspozua në duhan është e pastër, ndërsa mushkëria tjetër është i bllokuar dhe është bërë me njolla me një hije të errët ngjyrë kafe.