SHBA - Një video për të qeshur tregon një grup personash të maskuar si zombi të cilët janë fshehur në pusetat poshtë trotuarit të rrugëve dhe trembin kalimtarët. Video është regjistruar në Nju Jork, duke tmerruar kalimtarët e rastit.

Sapo ata afrohen, zombit nxjerrin duart e tyre me gjak dhe përpiqen për të kapur kalimtarët. Shumë prej tyre mbetën të shokuar, por pasi ata kuptuan se ishte një shaka, qeshën të lehtësuar.

Pjesa më interesante e videos është momenti kur pranë tyre afrohet një vajzë e vogël. Kësaj rradhe, zombit treguan mençuri dhe vendosën të qëndronin të heshtur për të mos frikësuar vogëlushen.

Në video tregohet puna përgatitore e të gjithë aktorëve dhe si janë maskuar si zombi.


(v.gj/shqiptarja.com)