Vijojnë replikat në distancë mes Metës dhe Gramoz Ruçit, pas deklaratave të djeshme të kryetarit të grupit të PS, se Presidenti i zgjedhur mund të shkarkohet.
 
Nga Libofsha, Ruçi deklaroi se Meta të respektojë Kushtetutën dhe të sillet si president i Shqipërisë, dhe jo si president i LSI-së.
 
“LSI dhe Ilir Meta ta marrin vesh se në Presidencë do të shkoj presidenti i Shqipërisë, jo presidenti i LSI.
 
Nuk është presidenti që përcakton rregullat. Nuk është presidenti që përcakton nëse zgjedhjet janë të lira apo jo.
 
Te manipuluara apo jo nuk i takon atij. Janë numëruesit, komisionarët, KQZ, ku LSI është pjesë etj, ata që vendosin, nuk vendos presidenti.
 
Presidenti ka vetëm një detyrë, të zbatojë kushtetutën. Fituesi të administrojë fitoren, humbësi te dalë në opozitë” tha Ruçi.


dy.b/shqiptarja.com