Vijon numri i lartë i të infektuarve/ 302 raste të reja me COVID dhe 4 viktima në 24 orë! Rekord infektimesh në Tiranë

Numri i të infektuarve me koronavirus në Shqipëri vijon të mbetet i lartë. Këtë të shtunë u raportuan 302 raste të reja me nga 1329 testime të kryera në të gjithë vendin.

Shifrat më të larta u shënuan në qytetin e Tiranës, ku u regjistruan 196 të prekur.

Fatkeqësisht 4 persona të tjerë kanë humbur jetën duke e ccuar numrin total të viktimave në 473. 

Gjatë 24 orëve të fundit u shënua dhe një rritje e numrit të të shëruarve ku 82 qytetarë kanë fituar betejën me virusin.

Aktualisht në spitalin Infektiv dhe “Shefqet Ndroqi” po trajtohen 264 pacientë, 11 në terapi intensive nga të cilët 5 pacientë janë të intubuar.

Njoftimi i Ministrisë së Shëndetësisë

Ju informojmë lidhur me situatën epidemiologjike në 24 orët e fundit të COVID19 në Shqipëri: Janë kryer 1329 testime në 24 orët e fundit, nga të cilët kanë rezultuar pozitivë 302 qytetarë të prekur nga virusi SARS-COV2.

Janë shëruar 82 qytetarë, duke e çuar në 10548 numrin e të shëruarve në vend që prej fillimit të epidemisë. 

Rastet pozitive të konfirmuara në 24 orët e fundit janë identifikuar në këto bashki: 196 të prekur në Tiranë, 31 raste në Durrës, 17 raste në Fier, 11 raste në Tropojë, 8 raste në Kurbin, 6 raste në Pogradec, 5 raste në Shkodër, 4 raste në Kukës, Rrogozhinë, Kuçovë, 2 raste në Korçë, Kavajë, Vlorë, Mallakastër, Vorë, Patos, 1 rast në Mirditë, Kamëz, Bulqizë, Peqin.
Aktualisht në spitalin Infektiv dhe “Shefqet Ndroqi” po trajtohen 264 pacientë, 11 në terapi intensive nga të cilët 5 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 77 vjeçar dhe një 80 vjeçare nga Tirana, një 80 vjeçar nga Fier, një 82 vjeçar nga Durrësi. Ministria e Shëndetësisë dhe Mbrojtjes Sociale u shpreh ngushëllimet familjarëve.

COVID-19 – Statistika (24 Tetor 2020)

Raste të reja ditore          302

Të shëruar ne 24 orë        82

Të shtruar në spitale       264

Humbje jete në 24 orë        4

Testime ditore               1329

Testime totale            115710

Raste pozitive             18858

Raste të shëruara       10548

Raste Aktive                 7837

Humbje jete                    473

Shpërndarja gjeografike e rasteve aktive sipas qarqeve:

Tiranë             3966

Durrës              755

Shkodër           491

Fier                  511

Korçë              479

Lezhë             379

Elbasan          344

Vlorë               308

Berat               222

Kukës              190

Dibër                 96

Gjirokastër        96
 

Tabela e përditësimit

B.K./E.M./Shqiptarja.com

TAG:
• koronavirusi ne shqiperi
• bilanci i koronavirusit