Rindërtimi i gjimnazit “Sulejman Elezi” në fshatin Laknas vijon për të mirëpritur nxënësit në kushte dinjitoze.

Në videon e shpërndarë nga kryeministri Rama në Facebook, shkruhet se në të do të hyjnë rreth 800 nxënës.

“Mirëmëngjes, dhe me punimet që vijojnë në Laknas për ndërtimin nga e para të gjimnazit ‘Sulejman Elezi’, i cili do të mirëpresë mbi 800 nxënës në kushte dinjitoze, ju uroj një ditë të mbarë”, shkruan Rama.

Punimet për rindërtimin nisën në janar të vitit 2025. Gjimnazi ka një sipërfaqe me 6500 metrash katrorë, laboratorë, bibliotekë, hapësira të gjelbra e terrene sportive.