Vijon sindroma e janarit për Interin, zikaltërit tjetër hap fals për titullin

Vijon sindroma e janarit për Interin, zikaltërit tjetër hap fals për titullin

Sindroma e janarit vijon të godasë Interin. Zikaltërit nuk kanë mundur të shkojnë më shumë se një barazim as në ndeshjen e javës së 21 të Seria A kundër Cagliari-t. Në San Siro-n e mbushur me 71 mijë tifozë Interi arriti të gjente golin e avantazhit në minutën e 29, me Lautaro Martinez që ekzekutoi në mënyrë të duhur brenda zone.

Autori i asistit ishte Ashley Young, futbollisti i afruar afërisht një javë më parë në merkaton e janarit dhe që sot debutoi si titullar. Në vijim ekipi i drejtuar nga Conte pati mundësinë për të dyfishuar, por rastet e krijuara nuk u shfrytëzuan siç duhet. Atëherë kur zikaltërit ishin në momentin më të mirë, një goditje nga distanaca e Nainggolan që gjeti edhe devijimin e Bastonit përfundoi në portë.

Për më shumë se çerek ore Interi tentoi të gjente golin e fitores, por në fund goli i belgut të Cagliari-t, i cili është në huazim nga zikaltërit, bëri që Inter të marrë vetëm një pikë. Ky është barazimi i tretë radhazi në kampionat për Interin po me të njëjtin rezultat 1-1. Në këtë mënyrë zikaltërit humbasin terren për titullin, ndërsa duket sikur po rikthehet në pozicionet që e kemi parë në dy sezonet e fundit.

Ndërkohë edhe Atletico Madrid në La Liga po kalon një moment jo. Pas bumbjes me Eibar sot ‘elcolchoneros’ nuk kanë shkuar më shumë se një barazim 0-0 në shtëpi kundër Leganes. Edhe pse duhet të bënin të zotin e shtëpisë, Leganes ishte skuadra që rrezikoi më shumë. Me këtë barazim Atletico komplikon ndjeshëm shanset për të luftuar për titull, ndërsa skuadra fillimisht duhet të luftojë për të gjetur vazhdimësinë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Përkujtohet 80-vjetori i betejës së Margëlliçit, Balla: Askush mos guxoj të përdhosë historinë dhe të rivrasë të rënët tanë

Përkujtohet 80-vjetori i betejës së Margëlliçit, Balla: Askush mos guxoj të përdhosë historinë dhe të rivrasë të rënët tanë