POP 5

Lajmet më të lexuara të 5 minutave të fundit

Kultura

Viti i Ri 2021, Luiza Xhuvani dhe Kristian Koroveshi mbrëmje lutjeje për më shumë paqe, gëzim edhe shpresë!

Artistët Luiza Xhuvani dhe Kristian Koroveshi realizojnë një mbrëmje lutjeje me vargjet poetike të poetëve, Ilirian Zhupa dhe Timo Flloko. Aktorët përmes këtyre pjesëve i drejtohen figurës hyjnore për më shumë gëzim dhe shpresë  

Një mbrëmje lutjeje në këtë periudhë të vështirë që është duke kaluar e gjithë bota për shkak të pandemisë Covid 19, por edhe për më shumë shpresë e gëzim në këto ditë festash, bëri sërisht bashkë artistët Luiza Xhuvani dhe Kristian Koroveshi në kishzën “Lindja e Krishit”, tek katedralja ortodokse.

Ndërthurja e tekstit fetar me poezi të Ilirian Zhupës, Timo Fllokos dhe Johan Vupës nga artistët, duke iu lutur figurës së shpëtimtarit për Vitin e Ri 2021, për më shumë dashuri paqe mes njerëzve 

 “U bëmë bashkë për t’iu lutur Krishtit, në formë artistike dhe sociale që në ditë të tilla, siç janë ditët e festave, të bëhen bashkë të gjitha dimensionit të qenies së njeriut, arti, besimi dhe shpirti. Edhe vet besimi është një akt dashurie, kjo është një dashuri për veten, për Zotin, se njeriu vjen në kishë për të pasur gëzim edhe shpresë. Kjo ishte ideja ime”, rrëfen Koroveshi, i cili është edhe ideatori i këtij projekti.

Ndonëse një mbrëmje lutjesh, por ku u bën bashkë artistë edhe këngëtari i muzikës bizantine, Theodhor Pecit dhe At Anastasin, si në një liturgji fetare, për të uruar të gjithë njerëzit për më shumë mirësi

 “Unë uroj që të ketë sa më shumë dritë, dashuri, paqe dhe shpresë. Një nga pjesët që ne interpretuam ishte, “Më më shumë se gjithçka më tremb jo vdekja, por humbja e shpresës”. Njeriu ka nevojë për shpresë dhe besim tek vetja mbi të gjitha, e më pas ta kërkojë te fuqitë hyjnore edhe ta përcjellë dhe tek të tjerët”, përfundon aktori.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41