POP 5

Lajmet më të lexuara të 5 minutave të fundit

Kronikë

Viti i Ri pa fishekzjarrë/ Zbardhet vendimi i plotë kur mund të lejohen

Ndryshe nga vitet e kaluara në 31 dhjetor pritet që të mos ketë spektakël fishekzjarrësh pas vendimit të tre ministrive, i cili është zbardhur nga Report Tv. Vendimi parashikon edhe rastet kur mund të lejohen fishekzjarrët dhe procedura që duhet të zbatohet. Ndërkohë që në qarkullim do të lejohet vetëm një kategori e vogël që nuk ka rrezikshmëri.

Shqiptarët do ta presin Vitin e Ri pa fishekzjarrë. Lëndët plasëse, piroteknike dhe fishekzjarrët janë bllokuar prej disa javësh, ndërsa nuk do të lejohen që të hidhen as në datë 31 Dhjetor. Në fund të muajit nëntor, pas plagosjes së polices Ina Nuka me kapsollë, Ministria e Brendshme nxori një urdhër që ndalonte përdorimin e kapsollave në Shqipëri (lexo këtu). 

Ndërkohë që në datën 18 dhjetor (lexo këtu) ministrat Sandër Lleshaj, Olta Xhaçka dhe Arben Ahmetaj firmosën urdhrin për ndalimin e përdorimit nga qytetarët të  fishekzjarrëve dhe kapsollave me përjashtim të një kategorie që nuk përbën aspak rrezik për qytetarët. Report Tv zbardh vendimin e plotë që sqaron ndalimin e fishekzjarrëve dhe kur mund të përdoren.

Fishekzjarrët do të lejohen të futen në Shqipëri vetëm në raste festash kombëtare ose lokale të organizuar nga institucionet publike. Po kështu fishekzjarrët mund të përdoren në raste festash familjare si dasma ose ditëlindje në lokalet ku festohet, por gjithmonë pasi më parë të jetë vënë në dijeni komisariati që mbulon zonën. “Ndalohet prodhimi, importi, eksporti, magazinimi, shitja dhe përdorimi i të gjitha substancave piroteknike dhe fishekzjarrë të cilat përmbajnë squfur, fosfor të përzier me klorat potasiumi, klorate të tjera, apo që përmbajnë njërën nga përzierjet e tilla. 

Artikujt piroteknikë dhe fishekzjarrë për përdorim civil lejohen të përdoren vetëm nga subjekte të licencuara për përdorimin e lëndëve plasëse, piroteknike dhe fishekzjarrë, në raste festash kombëtare/lokale të organizuara nga institucionet publike, evente festive, ose në rast festash familjare (dasma, ditëlindje), pas vënies në dijeni të Komisariatit të Policisë, që mbulon juridiksionin territorial ku do të zhvillohet aktiviteti” thuhet në vendimin që u firmos nga tre ministritë.

Ndalimi i lëndëve plasëse, piroteknike dhe fishekzjarrëve ka sjellë një debat në distancë në rrjetet sociale mes ish-kryeministrit Berisha dhe ministrit Lleshaj (lexo këtu).  Në vitet e fundit nga kapsollat dhe fishekzjarrët në që janë hedhur para dhe pas natës së ndërrimit të viteve janë shënuar disa raste lëndimesh, ndërsa pas pak ditësh Vitin e Ri do ta presim pa spektaklin e viteve të kaluara.

 

 

Vendimi për ndalimin e fishekzjërrëve

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça