POP 5

Lajmet më të lexuara të 5 minutave të fundit

Kronikë

Viti i Ri/ Sekuestrohen 100 kuti me fishekzjarrë në Fier, në hetim 3 pronarët e dyqaneve

Rreth 100 kuti me fishekzjarrë dhe kapsolla që tregtoheshin në mënyrë të paligjshme janë sekuestruar në Fier, ndërsa tre pronarë dyqanesh janë vënë në hetim.

FIER- Rreth 100 kuti me fishekzjarrë dhe kapsolla që tregtoheshin në mënyrë të paligjshme janë sekuestruar në Fier, ndërsa tre pronarë dyqanesh janë vënë në hetim. Operacioni, i koduar "Fireworks", u zhvillua në kuadër të kontrolleve për parandalimin e tregtimit të kundërligjshëm të lëndëve piroteknike ne prag të Vitit të Ri.

Dyqanet ndodheshin në lagjet ‘Sheq i Vogël’ dhe ‘1 Maji’, ku u kapën mallrat e paligjshme. Të hetim janë vënë tre pronarët e identifikuar me inicialet B. L., D. S., 42 vjeç, dhe M. S., 33 vjeç, të gjithë banues në Fier.

“Si rezultat i patrullimeve dhe kontrolleve në dyqane dhe ambiente të tjera, gjatë gjithë periudhës festive, që kryhen në zbatim të planit kombëtar të masave, kundër përdorimit dhe/ose tregtimit të kundërligjshëm të lëndëve piroteknike, Sektori për Hetimin e Krimeve Ekonomiko-Financiare, në bashkëpunim me Seksionin e Mbështetjes Operacionale të Hetimit, të DVP Fier, konstatuan dhe goditën 3 raste të tjera të kësaj paligjshmërie.

Konkretisht, në kuadër të operacionit "Fireworks", filloi procedimi në gjendje të lirë për shtetasit B. L., D. S., 42 vjeç dhe M. S., 33 vjeç, të tre banues në Fier, pasi në dyqanet e tyre, në lagjet "Sheq i Vogël" dhe "1 Maji", u gjetën rreth 100 kuti me fishekzjarrë dhe kapsolla që shiteshin në kundërshtim me ligjin”, njofton policia.

Policia ka apeluar qytetarët të shmangin përdorimin e lëndëve piroteknike jashtë rregullave ligjore, duke paralajmëruar për rrezikun që ato paraqesin për shëndetin dhe sigurinë publike.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Bamir Topi: Berisha e Rama prej 2008 janë bashkë, vijnë nga kontingjenti i komunistëve shqiptarë

Bamir Topi: Berisha e Rama prej 2008 janë bashkë, vijnë nga kontingjenti i komunistëve shqiptarë

7 Janar, 20:17