Turqia i dhuron ushtrisë dronë kamikazë, Rama: S'godasim askënd por me ta jemi të pagoditshëm! Erdogan në Tiranë: Të vijojmë luftën kundër FETO, rrisim vëllimin tregtar në 2 mld $

Kryeministri Edi Rama u shpreh se Turqia ka qenë e para që ka njohur pavarësinë e Kosovës.

Ai theksoi se mes dy vendeve duhet që të prevalojë dialogu.  

"Pas inaugurimit presidenti do niset për Beograd dhe sjell në vëmendje për t’ju kujtuar një fakt historik se Republika e Turqisë kur Erdogan ishte kryeministër e ka njohur Kosovën e para, por s’ka qenë vetëm njohje zyrtare, por një njohje në kohë reale dhe në sinkron me punimet e parlamentit të Kosovës dhe kur deputetët kosovar ngritën dorën për të miratuar pavarësinë qeveria e ka njohur. Një mik më të padiskutueshëm në të gjitha ditët sesa presidenti turk dhe Turqia, Kosova se gjen dot gjëkundi. Situata mes të dyja shteteve duhet të përmirësohet dhe të prevalojë dialogu”, tha ai.

Turqia do t’i dhurojë Shqipërisë dronë kamikazë. Lajmi u bë me dije nga kryeministri Rama në konferencën për shtyp me presidentin turk Erdogan.

E çmoj dhuratën e presidentit Erdogan në këto kohë të trazuara ku bota ka marrë një drejtim të çuditshëm për ta thënë me një fjalë të butë, për t’i dhënë ushtrisë së Shqipërisë, një numër të konsiderueshëm dronësh kamikazë. Dhuratë që s’duhet të shqetësojë askënd se kë do godasë Shqipëria, por besoj se është një dhuratë që përmbledh brenda një mesazh të qartë të Turisë në raport me këtë marrëdhënie, që Shqipëria është e pagoditshme.

'Dhuratë nga populli turk për vëllezërit dhe motrat tona myslimanë shqiptare', kështu e ka cilësuar presidenti turk Recep Erdogan, xhaminë e Namazgjasë.

Ai u shpreh se, ajo do të jetë më e madhja në Ballkan. 

“Do të hapim xhaminë që është dhuratë e jona për motrat dhe vëllezërit tanë mysliman shqiptar dhe falenderojmë ata që kontribuan në këtë proces. Ajo është xhamia më e madhe në Ballkan dhe do të jetë vendi ku do të lulëzoj ndenja e paqes dhe solidaritetit. Dua të falenderojë Ramën dhe vendimet që do të marrim të jenë të dobishme dhe vendimet që kemi marr do të jenë të dobishme për të dyja vendet tona”, tha ai.

Kryeministri Edi Rama, teksa ka falënderuar presidentin turk pasi ai ishte nismëtar, tha se ajo do të jetë xhamia më e bukur e ndërtuar në kohë moderne.

“Ishit zëri i komuniteti besimtar mysliman shqiptar, para uniteti mysliman turk duke garantuar mbledhjen e mjeteve për ndërtimin e xhamisë së madhe, por keni qenë edhe në çdo rast kur jemi takuar shumë i vëmendshëm dhe këmbëngulës për të parë këtë ditë sot dhe jam i bindur që ju në Turqi keni xhami shumë të bukura, por ajo xhami që do të shihni sot do të hyj në koleksionin e xhamive më të bukura të ndërtuara në kohët moderne. Kjo është merita juaj, sepse jemi takuar për herë të parë dhe në fund të takimit kur erdha kryeministër i sapozgjedhur në Shqipëri, erdhi projekti dhe thatë ky është projekti vëllazërisë shqiptaro-turke”, tha ai.    

Presidenti turk Erdogan dhe kryeministri Edi Rama po japin deklaratën e përbashkët për shtyp.

Kryeministri Edi Rama deklaroi: Ramë dakord që duhet të bëhet më shumë për investime të drejtëpërdrejta nga ana turke në sektorin e turizmit, ku e dimë të gjithë Turqia ka bërë një transformim marramendës dhe është kthyer në një vend që mikpret miliona turistë dhe ka një kapacitet të dijes në nivelin e ekselencës që për ne do të ishte shumë I vyer.

Sot firmosëm disa marrëveshje. Më e mirëpritura është firmosja e marrëveshjes për Universitetin Teknik të Stambollit në Tiranë. Jemi shumë të interesesuar dhe shumë të përmbushur sot në fuqizimin e ushtrisë së republikës së Shqipërisë dhe fuqizimin e kësaj marrëdhënieje në aspektin ushtarak.

Nga Tirana, presidenti turk Erdogan tha se synohet që vëllimi tregtar mes dy vendeve të rritet në 2 mld dollarë. Po ashtu, Erdogan premtoi mbështetje për Forcat e Armatosura, si trajnime, por edhe pajisje ushtarake.

"Ju përshëndes në emër të kombit tim. I nderuar që jam në vendim mik dhe vëllazëror Shqipërinë, në rastin e takimit tonë. Vitin e kaluar festuam 100 vjet e vendosjes së marrëdhënieve diplomatike me Shqipërinë. Marrëdhëniet tona miq me Shqipërinë, të forcuara nga lidhjet historike dhe afërsia kulturore, shtrihen përtej një shekulli. I shohim nismat në fushën e tregtisë dhe investimeve si hapa që do rrisin mirëqenien e popujve, vazhdojmë përpjekjet për të rritur vëllimin tregtar në 2 mld dollarë në fazën e parë. Ramë dakord të diversifikojmë investimet e ndërsjella duke përfshirë sektorë novatorë. Do vazhdojmë bashkëpunimin në fushën e mjekësisë. Ne do të ofrojmë mbështetjen për të përmirësuar nevojat e FA, për partnerin tonë strategjik dhe aleatin tonë të NATO-s në fushën e trajnimeve ushtarake dhe pajisjeve ushtarake", tha Erdogan. 

Tirane- Lufta në Lindjen e Mesme dhe agresioni rus në Ukrainë kanë qenë dy nga temat që janë diskutuar në takimin kokë më kokë mes presidentit turk, Recep Tayyip Erdoğan gjatë vizitës zyrtare të këtij të fundit mbajtur sot (10 tetor 2024)  në Tiranë.

E ndërsa ndajnë të njëjtin qëndrim për raportin me  luftën në Ukrainë, janë të ndarë në qëndrimin për luftën në Rripin e Gazës.

Presidenti turk tha se Izrali po kryen genocid dhe ndërkombëtarët duhet të ndërhyjnë për ta ndalur duke i bërë presion Netanjahut të ndalet. Ishte i qartë dhe në qëndrimin publik që i dha kryeministrit Edi Rama duke i kërkuar që në këtë luftë, Shqipëria duhet të bëjë pjesën e saj në fushën diplomatike në këtë drejtim.

“Me zotin kryeministër shkëmbyem edhe ide për çështje globale dhe rajonale. Ne ndjekim me admirim përpjekjet e Shqipërisë për vendosjen e paqes dhe stabilitetit si në rajonin tonë ashtu edhe në arenën ndërkombëtare. Mizoritë izraelite në territoret e pushtuara palestineze, veçanërisht në Gaza dhe Liban ishin ndër pikat prioritare të agjendës së takimit tonë.

Unë ndava pikëpamjet tona për agresionet e qeverisë Netanyahu të cilat shkojnë përtej fushëveprimit rajonal dhe tani janë bërë një kërcënim për rendin global. Gjenocidi që po vazhdon prej 1 viti në Gaza është turpi i përbashkët i të gjithë njerëzimit. Për këtë arsye ne si komunitet ndërkombëtar duhet të bëjmë çmos për të siguruar një armëpushim të përhershëm, për të ofruar ndihma humanitare dhe për të bërë presionin e nevojshëm mbi Izraelin. Unë sinqerisht besoj se Shqipëria do të bëjë pjesën e saj në këtë drejtim.”, tha ai.

Nga ana e tij kryeministri Edi Rama tha qëndrimin e tij se Shqipëria mbështet propozimin për një armëpushim që duhet të nënkuptojë edhe lirimin e pengjeve, por se për Shqipërinë Hamasi dhe çdo burim i terrorit ska vend në ta ardhmen paqësore që duhet të vendoset mbi dy shtete sovrane, Izraeli dhe Palestina, dhe aksush s’duhet të vërë në pikëpyetje të drejtën e ekzistencës së tyre.

"Ukraina është një temë qendrore e të gjitha diskutimeve që bëhen në këto nivele e kudo, por është temë qëndrore e çdo bisedimi që unë kam pasur me Erdogan, dhe po ashtu sot përveç konfliktit të tmerrshëm në Ukrainë që po godet në mënyrë të pamëshirshme dhe në mënyrë të padrejtë një popull që është në të drejtën e vet për të jetuar i lirë, dhe për ta zgjedhur vetë se ku do të pozicionohet, edhe ajo që ndodh çdo ditë në Gaza është një tragjedi me proporcione kolosale. Ne bashkëndajmë me presidentin Erdogan vlerësime të njëjta lidhur me agresionin rus në Ukrainë dhe lidhur me të drejtën e pamohueshëm të popullit palestinez për të jetuar i lirë në shtetin e tij, por në një pikë kemi një këndvështrim të ndryshëm. Sepse duke qenë tërësisht të vendosur bashkë me Turqinë dhe shumë tjerë për këtë marrëdhënie kundër terrorizmit, për ne terrori në çdo formë dhe me çdo pamje që shfaqet është I patolerushëm. Ne jemi absolutisht dhe kemi votuar në mënyrë të përsëritur në Këshillin e Sigurimit patjetër një  armëpushim që duhet të nënkuptojë edhe lirimine pengjeve, pro për ne Hamasi dhe çdo burim i terrorit ska vend në ta ardhmen paqësore që duhet të vendoset mbi dy shtete sovrane, Izraeli dhe Palestina, të cilat duhet të jetojnë të sigurta dhe aksush s’duhet të vërë në pikëpyetje të drejtën e ekzistencës së tyre' tha Rama në deklaratën e përbashkët. 

Edhe në ceremoninë e hapjes së xhamisë së Namazgjasë, presidenti turk u ndal tek lufta Izrael - Palestinë. Erdogan kujtoi vuajtjet e popullit mysliman dhe islam në botë, kryesisht në Palestinë dhe Izrael, duke akuzuar Izraelin për gjenocid.

Ai përmendi 50 mijë të vrarët dhe 100 mijë të plagosurit palestinezë në Gaza dhe luftën e re në Liban, duke theksuar se “Izraeli dhe Netanyahu nuk kanë ndërmend të tërhiqen” apo për të synuar paqen.

"Sulmet e Izraelit vazhdojnë ndaj grave, fëmijëve, të moshuarve, minorenëve dhe tani Izraeli e ka çuar politiken e tij agresive sulmuese barbare, në drejtim të Libanit. Është një detyrim i moralit, i ndërgjegjes tonë njerëzore për të gjithë ata që ndjejnë, kanë zemra, që të qëndrojnë kundër terrorizmit shtetëror të Izraelit në Palestinë. Netanyahu dhe Izraeli s’ka ndër mend të vendosë paqen në rajon dhe së fundmi e tregoi qartazi me sulmin ndaj Libanit' tha Erdogan.

Pas ceremonisë së hapjes së xhamisë së Namazgjasë në Tiranë, Presidenti turk udhëton drejt Beogradit, aty ku nesër do të ketë takime me krerët e shtetit serb.

Presidenti turk Erdogan, gjatë deklaratës për shtyp, me kryeministrin Rama tha se shpreson që bashkë me Shqipërinë të vazhdojnë luftën kundër organizatave terroriste, kundër FETO,

Diskutuam edhe çështjen e luftës kundër organizatave terroriste, kundër FETO, me mikun tim të dashur Ramën. Shpresoj që ta vazhdojmë luftën tonë kundër organizatave terroristeve përmes vendimeve që kemi marrë sot.