POP 5

Lajmet më të lexuara të 5 minutave të fundit

Sport

'Vllaznia ekipi më i mirë i momentit', Arapi bëhet gati për debutimin si trajner i Teutës! Shkëmbi: Laçi favorit për kampionatin

Në ndeshjen e parë si trajner i Teutës Renato Arapi do përballet me Vllazninë, një ekip që e cilëson si të rrezikshëm. Ndërkohë Laçi do të presë Dinamon, me Bledi Shkëmbin që i konsideron si favorit për titullin kurbinasit.

Java e 11 e Superligës nis të premten me dy sfida ku spikat Teuta-Vllaznia, që do të luhet në orën 16:45 në stadiumin ‘Elbasan Arena’. Vllaznia e vendit të tretë vjen pas dy fitore radhazi, ndërsa Teuta kampion në fuqi ka ndryshuar trajnerin.

“Atmosfera ka ndryshuar shumë me ardhjen e profesor Arapit. Besoj kjo rritje e atmosferës dhe ritmit më bën optimist për të ecur para,”-deklaron Pano Qirko, portier i Teutës.

“Vllaznia është një nga ekipet më të mira të momentit. Për mendimin tim vjet ka qenë ekip më i rrezikshëm, por edhe kët vit me lojtarët që kanë afruar janë duke bërë paraqitje të mirë,”-shprehet Renato Arapi, trajner i Teutës.

Sfida tjetër, që do të luhet në orën 13:45 është mes Laçit dhe Dinamos.

“Luajmë kundër ekipit ndoshta më të mirë të kampionatit pavarësisht renditjes që ka. Në fillim mendoj se ishte në 2-3 ekipet e para për të luftuar për titullin kampion,”-deklaron Bledi Shkëmbi, trajner i Dinamos.

Pas 10 ndeshjesh Dinamo renditet në vendin e pestë me 13 pikë, 1 më shumë se Laçi i vendit të 7.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16