563 rrënjë kanabis sativa janë asgjësuar nga policia e Vlorës. Në vijimësi të planit operacional “Antikanbis” efektivat e policisë Vlorë në fshatin Velcë në vendin e quajtur “Përroi i madh” kanë  zbuluar 563 rrënjë bimë narkotike të kultivuara në 7 parcela të ndryshme me lartësi deri në 1.8 m lartësi.

Lënda narkotike ishte kultivuar në tokë në pronësi publike. Pasi u bë dokumentimi i plotë ligjor, lënda narkotike u asgjësua me djegie.
Deri tani nga efektivat e Komisariatit të Policisë Vlorë janë asgjësuar në total 18.187 rrënjë bime narkotike.