Në Bashikinë e Finiqit Partia Demokratike ka arritur të marrë vetëm 5.1% të votave (473) duke u renditur si forcë e pestë. Nga votat e numëruara për këshillat bashkiak në51 kuti votimi, nga 56 që ka kjo bashki, më shumë vota ka marrë Partia MEGA me 2132, e dyta është renditur PBDNJ me 1987 vota, Partia Socialiste me 1731 vota, si forcë e katër është renditur LSI me 9.8% të votave (779) dhe e pesta Partia Demokratike.

Vlorë

Këshilli Bashkiak në Vlorë do të jetë i dominuar nga Aleanca për Shqipërinë Europiane që ka marrë25 337 vota ndaj 10 167 vota të Aleancës për Punë dhe Dinjitet. Nga të dhënat e 152 kutive nga 213 që ka Bashkia e Vlorës, Partia Socialiste ka marrë15 361 vota ose 41.5%, duke pësuar një rritje prej 2.55 në krahasim me zgjedhjet e vitit 2011. Partia Demokratike ka marrë7 062 vota, 18.9%, duke pësuar një rënie me 3%. LSI ka grumbulluar 3779 vota, 10.2%, duke pësuar një rritje prej 4.2%. Kur janë numëruar më shumë se gjysma e kutive, PDIU ka marrë 1 717  vota, duke pësuar një rënie prej 3%.  Një numër të lartë votash për Këshillat Bashkiak ka marrë dhe FRD (479) dhe Partia Demokristiane 855 vota.
 
 Bashkia Vlorë154/213
 
PS 15 580  42 %

PD7 191    19.1%

LSI3818    10.1%

PDIU 1772 4%

PR1220     3.2%

PBK975     2.6%

PSDSH972 2.6%

PDSH866    2.2%

Shkrimi u botua në numrin e sotëm të gazetës "Shqiptarja.com", versioni print

Redaksia Online
(xh.k/sqhiptarja.com)