Një 38- vjeçar është paraqitur në spitalin e Vlorës i plagosur me thikë.

38- vjeçari K.D, mësohet se ditën e djeshme, kur ka ndodhur edhe ngjarja, ka qenë duke bërë vrap në zonën e njohur si “Plazhi i Vjetër”, është plagosur nga tre persona.

Ende nuk dihen shkaqet që kanë çuar në këtë konflikt mes 38- vjeçarit dhe tre autorëve të plagosjes, të cilët janë ende të paidentifikuar.

Policia bën me dije, se i plagosuri është jashtë rrezikut për jetën dhe pasi ka marrë ndihmën shëndetësore në spital, është larguar në shtëpi.

Njoftimi i policisë:
Më datë 16.08.2017, Salla Operative Vlorë Njoftohet nga Spitali Rajonal Vlorë se atje kishte shkuar një shtetas i cili kishte dëmtime në dorë edhe në brinjë, me mjet prerës.

Policia ka shkuar menjëherë, dhe nga verifikimi paraprak ka rezultuar të jetë shtetasi K.D., 38 vjeç, banues në Vlorë, i cili duke bërë vrap në “Plazh të vjetër”, tre shtetas (të panjohur prej tij dhe të paidentifikuar ende nga policia), i janë afruar dhe për motive të dobëta kanë nisur të konfliktohen.

Gjatë konfliktit të çastit, tre shtetasit e kanë goditur shtetasin K.V., me mjete të ftohta prerëse, dhe janë larguar.

I dëmtuari pasi ka marrë mjekimin e nevojshëm në Spitalin Rajonal Vlorë, dhe ka qënë jashtë rrezikut për jetën është larguar për në banesën e tij.

Policia po vazhdon hetimet për dokumentimin e plotë të ngjarjes dhe për identifikimin e kapjen e autorëve.

Redaksia Online
D.T/Shqiptarja.com